హిట్ -2కు పాజిటివ్ టాక్.. మరో హిట్ ఖాతాలో వేసుకున్న శేష్
By KTV Telugu On 3 December, 2022
హిట్ -3లో నాని, సమంత
2020లో వచ్చిన హిట్ ఫస్ట్ కేస్ కు ఇప్పుడు హిట్ – 2 పేరుతో సెకండ్ సీక్వెల్ తీసుకొచ్చాడు దర్శకుడు శైలేష్ కొలను.
మొదటి భాగంలో విశ్వక్ సేన్ హీరో అయితే, రెండవ భాగంలో అడివి శేష్ కథానాయకుడు. మూడో భాగంలో నాని కనిపించబోతున్నాడు. ఆ విషయాన్ని హిట్ -2 క్లైమాక్స్ లో దర్శకుడు చెప్పేసాడు. హిట్ సిరీస్ లో థర్డ్ కేస్ ను నాని సాల్వ్ చేయబోతున్నాడు. మొదటి రెండు భాగాలకు బయటి హీరోలకు అవకాశం ఇచ్చి తాను నిర్మాతగా వ్యవహరించాడు నాని. మూడో భాగానికి మాత్రం తానే స్వయంగా రంగంలోకి దిగుతున్నాడు. రెండవ భాగంలో అడివిశేష్ కూడా కనిపించబోతున్నాడు. శేష్ తో పాటు ఇప్పుడు సమంత పేరు వినిపిస్తోంది. అందుకు రీజన్ లేకపోలేదు. కొద్ది రోజులుగా అనారోగ్యంతో ఇంటికే పరిమితం అయింది సమంత. అయినప్పటికీ హిట్ -2 సక్సెస్ గురించి చాలా హ్యాపీగా ఫీలైంది.
సోషల్ మీడియాలో అడివిశేష్ కు శుభాకాంక్షలు తెలియజేసింది. ఈ ఒక్క ట్వీట్ ఇప్పుడు సమంతను కూడా హిట్ సిరీస్ లోకి లాగేసింది. తను కూడా హిట్ -3లో భాగం కానుందని ప్రచారం మొదలైంది. ఒకవేళ హిట్ -3లో కుదరకపోతే
హిట్ సిరీస్ ఇంకా 5 భాగాలు మిగిలి ఉన్నాయి. వాటిల్లో ఒక సిరీస్ లో సమంత నటించే అవకాశాలు లేకపోలేదు అంటూసోషల్ మీడియాలో డిస్కషన్ మొదలైంది. యశోద మూవీలో సమంత చేసిన యాక్షన్ చూస్తే హిట్ సిరీస్ లోతాను కూడా భాగమైతే బాగుంటుంది అనే అభిప్రాయం చెబుతున్న వారి సంఖ్య ఎక్కువగా ఉంది.