మళ్లీ మనం కాంబినేషన్?
By KTV Telugu On 9 December, 2022
విక్రమ్ కుమార్ కు కింగ్ అవకాశం?
మనం -2 వస్తోందంటూ టాలీవుడ్ లో ప్రచారం
అక్కినేని హీరోలంతా కలసి నటించిన మనం ఎంతటి సంచలన విజయం సాధించిందో తెలిసిందే.
మనం లాంటి స్క్రీన్ ప్లేను అందించడం ఒక్క విక్రమ్ కుమార్ కు మాత్రమే సాధ్యం.
అందుకే ఈ దర్శకుడు ఎన్ని ఫ్లాపులు ఇస్తున్నా అక్కినేని హీరోలు ఇతనికి అవకాశాలు ఇస్తూనే ఉన్నారు.
ముందు అఖిల్ హలో పేరుతో ఇచ్చాడు. ఆ తర్వాత నాగ చైతన్య థ్యాంక్యూ అంటూ వచ్చాడు. ఈ రెండూ నిరాశపరిచాయి. అయినప్పటికీ నాగార్జున విక్రమ్ కుమార్ ను బాగానే నమ్ముతున్నాడు. ప్రస్తుతం విక్రమ్ కుమార్ దర్శకత్వంలో నటించాలనుకున్నాడు కింగ్. మనం తర్వాత అక్కినేని హీరోలను దృష్టిలో పెట్టుకుని విక్రమ్ కుమార్ ఒక స్టోరీని రెడీ చేసుకున్నాడు. నాగార్జున, నాగ చైతన్య, అఖిల్ ప్రధాన పాత్రల్లో కథను సిద్ధం చేసుకున్నాడు. కాని ఎందుకో ఈ ప్రాజెక్ట్ ముందుకెళ్లలేకపోయింది. ఇప్పుడు ఈ స్టోరీతోనే కింగ్ సినిమా చేయాలనుకుంటన్నాడట. అందుకే ఇండస్ట్రీలో మనం – 2 తెరకెక్కుతోందని బాగా ప్రచారం సాగుతోంది.