హాలీవుడ్ లెవల్లో మహేష్ మూవీ? రాజమౌళితో డిస్నీ సంస్థ చర్చలు?
By KTV Telugu On 10 December, 2022
టాలీవుడ్ ను షేక్ చేస్తోన్న రూమర్
RRRతో రాజమౌళి రేంజ్ ఎక్కడికో వెళ్లిపోయింది. ముఖ్యంగా హాలీవుడ్ లో ఇఫ్పుడు ఏ మూల చూసినా మన దర్శకధీరుడు గురించే డిస్కషన్. వచ్చే ఏడాది జరగబోయే ఆస్కార్ వేడుకల్లో ఈ సినిమా పలు విభాగాల్లో పురస్కారాలు గెల్చుకోవడం ఖాయం అని సినిమా పండితులు అంచనా వేస్తున్నారు. అందుకే రాజమౌళి ఫిల్మ్ మేకింగ్ కు హాలీవుడ్ నిర్మాణ సంస్థలు ఆశక్తి చూపుతున్నాయి. దర్శకధీరుడి కమిట్ మెంట్ టాలీవుడ్ కే ఉంది. మహేష్ బాబుతో మూవీ చేయాల్సి ఉంది.
దుర్గా ఆర్ట్స్ నిర్మించాల్సి ఉంది. అందుకే రాజమౌళి మహేష్ తో పాన్ వరల్డ్ యాక్షన్ అడ్వెంచర్ మూవీ ప్లాన్ చేస్తున్నాడు.
దుర్గా ఆర్ట్స్ తో పాటు ఇప్పుడు డిస్నీ సంస్థ కూడా ఈ సినిమా నిర్మాణంలో భాగం పంచుకునే అవకాశాలు ఎక్కువగా ఉన్నాయట. డిస్నీ సంస్థ అంటే వరల్డ్ సినిమాని శాసిస్తున్న నిర్మాణ సంస్థ. డిసెంబర్ 16న రిలీజ్ అవుతున్న అవతార్ -2ను మూడు వేల కోట్లతో నిర్మించింది డిస్నీ. అదీ ఈ సంస్థ రేంజ్. అలాంటి కంపెనీ ఇప్పుడు రాజమౌళితో చేతులు కలపాలి అనుకుంటోంది. మహేష్ తో మూవీ తర్వాత RRR 2 పూర్తిగా హాలీవుడ్ వెళ్లిచిత్రీకరించినా ఆశ్చర్యం లేదు.