నటిగా 20 ఏళ్లు పూర్తి. త్రిష మరో రేర్ రికార్డ్
By KTV Telugu On 14 December, 2022
జ్యోతి కృష్ణ డైరెక్ట్ చేసిన నీ మనసు నాకు తెలుసు సినిమాతో తెలుగు ప్రేక్షకులకు పరిచయం అయింది త్రిష.
ఈ సినిమాకు ముందు స్రిమన్ తో కలసి జోడిలో కనిపించింది. ఒకేసారి అటు తమిళం, ఇటు తెలుగు సినిమాల్లో తెరకు పరిచయం కావడంతో దక్షిణాలో దూసుకుపోయింది.ఆ తర్వాత ఆమె వెనుదిరిగి చూసుకుంది లేదు. తెలుగులో వర్షం, తమిళంలో గిల్లీ చిత్రాలు స్టార్ డమ్ తెచ్చిపెట్టాయి. నువ్వొస్తానంటే నేనొద్దాంటానా, అతడు, స్టాలిన్, కింగ్ లాంటి సినిమాలు త్రిషకు ప్రత్యేక గుర్తింపు తీసుకొచ్చాయి. 2018వరకు వరుసగా సినిమాలు చేస్తూ వచ్చిన త్రిష. ఆ తర్వాత ట్రాక్ మార్చింది.
కేవలం కంటెంట్ ఉన్న సినిమాలకు, తన పాత్రకు ప్రాధాన్యత ఉన్న పాత్రలకు ప్రాముఖ్యతను ఇస్తూ వస్తోంది. 96 త్రిష కెరీర్ ను మరో మలుపు తిప్పింది. ఇటీవల మణిరత్నం తెరకెక్కించిన పొన్నియిన్ సెల్వన్ తో త్రిష పవర్ ఫుల్ కమ్ బ్యాక్ ఇచ్చింది. త్వరలో విజయ్ తో మరోసారి జోడి కట్టేందుకు రెడీ అవుతోందని సమాచారం. ఈ మూవీని విక్రమ్ దర్శకుడు లోకేష్ కనగరాజ్ తెరకెక్కిస్తున్నాడు.