పవన్ కళ్యాణ్ ఫ్యాన్స్ కు మరో టెన్షన్
By KTV Telugu On 18 December, 2022
పవన్ కళ్యాణ్ సినిమాపై ఎవరైనా మీడియా ముందుకు వచ్చి మాట్లాడితే బెటర్.
లేదా కనీసం పవన్ సినిమాలపై ఒక ప్రెస్ నోట్ రిలీజ్ చేయాల్సిన పరిస్థితి వచ్చింది.
కొన్నేళ్లుగా నిర్మాణంలో ఉన్న హరి హర వీర మల్లు ఇప్పటికీ ఇంకా 40 శాతం షూటింగ్ మాత్రమే పూర్తి చేసుకుందన్న వార్తలు ఒక వైపు, RRR నిర్మాత నిర్మించబోతున్న పవన్, సుజిత్ సినిమా ఆగిపోయిందనే వార్త మరోవైపు,
పవన్ ఫ్యాన్స్ కు నిద్రను దూరం చేస్తోంది. ఇటీవలే టాలీవుడ్ ను షేక్ చేసింది పవన్, సుజిత్ కాంబినేషన్ లోని ఫస్ట్ లుక్ పోస్టర్. అలాంటి సినిమా ఆగిపోయింది అనే రూమర్స్ స్ప్రెడ్ అవుతుండటం పవన్ ఫ్యాన్స్ ను బాధపెడుతోంది.
మరోవైపు ఈ సినిమాను హోల్డ్ లో పెట్టి పవన్ అర్జెంటుగా హరీష్ శంకర్ దర్శకత్వంలో నటిస్తుండటం కూడా
అనుమానాలను పెంచుతోంది. ఈ రూమర్స్ మరింత ఆజ్యం పోస్తూ పవన్ తన ఫ్యాన్స్ అభీష్టానికి భిన్నంగా
వినోదయ సిత్తం తెలుగు రీమేక్ కు గ్రీన్ సిగ్నల్ ఇవ్వడం, జనవరి నుంచే ఈ సినిమా సెట్స్ పైకి వెళ్తుందనే వార్తలు వినిపిస్తుండటం అభిమానులను మరింత కన్ ఫ్యూజన్ కు గురి చేస్తోంది.