మరోసారి పవర్ చూపిస్తున్న పవర్ స్టార్.. 20 ఏళ్ల తర్వాత సినిమా రీ రీలీజ్
By KTV Telugu On 31 December, 2022
ఒక వైపు సంక్రాంతి సినిమాలు మరో వైపు థియేటర్స్ లో ధమాకా వసూళ్లు,
ఇంకో వైపు అవతార్-2 చూసేందుకు క్యూ కట్టిన ఆడియెన్స్ వీటి మధ్య ఓ రీ రిలీజ్ మూవీని ఎవరూ పట్టించుకోరు.
కాని ఆ రీ- రిలీజ్ మూవీ పవర్ స్టార్ ఫిల్మ్ కావడంతో ఈ వీకెండ్ ఫోకస్ అంతా పవర్ స్టార్ మూవీపైనే ఉంది.
2001లో రిలీజైన బ్లాక్ బస్టర్ రొమాంటిక్ డ్రామా ఖుషి సినిమాను ఇఫ్పుడు 4కే వర్షన్ లో రిలీజ్ చేస్తున్న సంగతి తెలిసిందే.
ఖుషికి రెండు దశాబ్ధాల క్రితమే కాదు ఇప్పటికీ క్రేజ్ తగ్గలేదని ఈ సినిమా రీ రిలీజ్ అడ్వాన్స్ బుకింగ్ స్టేటస్ చెప్పకనే చెబుతోంది. రీ రిలీజ్ మూవీస్ తో కూడా రికార్డ్స్ నెలకొల్పడం పవర్ స్టార్ ఆల్రెడీ స్టార్ట్ చేసేసాడు.
ఈ ఏడాదే జల్సాను తిరిగి థియేటర్స్ లోకి తీసుకొస్తే దాదాపు 3 కోట్లు రాబట్టింది. తెలుగు సినిమా చరిత్రలో ఇదో రికార్డ్.
అయితే తమిళనాడులో రజనీకాంత్ నటించిన బాబాను రీ రిలీజ్ చేస్తే 5 కోట్లు వచ్చాయి.
ఇఫ్పుడు ఖుషి సినిమా బాబా రికార్డులను బద్దలు కొడుతుందా లేదా అన్నది చూడాల్సి ఉంది.
డిసెంబర్ 31న రిలీజ్ అవుతున్న ఖుషి జనవరి 6న వరకు థియేటర్స్ లో అందుబాటులో ఉండనుంది.