తునీవు ట్రైలర్ రిలీజ్.. మళ్లీ విలన్ రోల్ చేస్తున్న అజిత్
By KTV Telugu On 1 January, 2023
నెట్ ఫ్లిక్స్ లో వచ్చిన మనీ హీస్ట్ వెబ్ సిరీస్ ను పోలి వచ్చే సినిమాలకు ఇప్పుడు ఒక వర్గం ఆడియెన్స్ పెద్దగా సపోర్ట్ చేయడం లేదు. బీస్ట్ కూడా ఇదే లైన్ లో వచ్చింది. ఊహించని విధంగా తొలి ఆట నుంచే సినిమా బాగోలేదనే టాక్ తెచ్చుకుంది. కాకపోతే విజయ్ మేనియాతో ఎంతో కొంత వసూళ్లను రాబట్టింది. ఇప్పుడు అజిత్ నటిస్తున్న తునీవు కూడా మనీ హీస్ట్ వెబ్ సిరీస్ ను గుర్తు చేస్తోంది. దాంతో ఒక వైపు మనీ హీస్ట్ ఫ్యాన్స్, మరో వైపు విజయ్ ఫ్యాన్స్,
ఈ సినిమా ట్రైలర్ పై విమర్శలు చేస్తున్నారు. ఈ సంగతి ఇలా ఉంటే తునీవు తెలుగులో తెగింపు పేరుతో విడుదల కానుంది. త్వరలో తెలుగు ట్రైలర్ కూడా విడుదల కానుంది. అజిత్ ఫ్యాన్స్ కు తునీవు ట్రైలర్ బాగా నచ్చింది.
ముఖ్యంగా అజిత్ లుక్ వారిని విపరీతంగా ఇంప్రెస్ చేసింది. జనవరి 12న ఈ చిత్రం వారసుడు మూవీకి పోటీగా రిలీజ్ అవుతోంది. గతంలో అజిత్ తో వాలిమై తీసిన వినోద్ ఈ మూవీని తెరకెక్కిస్తున్నాడు.