సూర్య విశ్వరూపం. ఈసారి 13 పాత్రలతో సినిమా
By KTV Telugu On 5 January, 2023
సూర్యకు ఇప్పుడు అర్జెంటుగా బాక్సాఫీస్ హిట్ కావాలి అది మామూలు హిట్ అయి ఉండకూడదు.
పాన్ వరల్డ్ హిట్ కావాలి. అప్పుడే సొంత ఇండస్ట్రీలో కాలర్ ఎగరేసుకుని తిరగొచ్చు.
ఒకవైపు తన కోలీవుడ్ విజయ్, అజిత్ బాక్సాఫీస్ దగ్గర నువ్వా నేనా అనే విధంగా పోటీపడుతున్నారు.
కాని సూర్య మాత్రం ఇంకా వెనుక పడే ఉన్నాడు. అందుకే ఈ లెక్కల్ని సెట్ చేయాలనుకుంటున్నాడు. గత ఏడాది రిలీజైన ఈటీ తర్వాత సూర్య ఇప్పుడు సోసియో ఫ్యాంటసీ స్టోరీతో సినిమా చేస్తున్నాడు.
తమిళంలో అజిత్ కు భారీ హిట్స్ ఇచ్చిన శివ ఇప్పుడు ఈ చిత్రాన్ని తెరకెక్కిస్తున్నాడు.
దాదాపు 10 భాషల్లో రిలీజ్ చేస్తానంటున్నాడు. సూర్య నటిస్తున్న సినిమా 10భాషల్లో రిలీజ్ అంటే
ఇది పాన్ వరల్డ్ మూవీ అన్నట్లే లెక్క. అంతే కాదు సూర్య ఏకంగా 13 పాత్రలు చేస్తుండటంతో
ఆ అంచనాలు ఇంకా పెరిగిపోయాయి. గతంలో కమల్ హాసన్ దశావతారంలో 10 పాత్రలు పోషించాడు.
అంతకు ముందు శివాజీగణేషన్, తెలుగులో అక్కినేని నాగేశ్వరరావు, ఇలాంటి సాహసాలు చేసారు.
ఇప్పుడు ఈ రికార్డ్ ను 13 పాత్రలు చేసి సూర్య బద్దలు కొట్టబోతున్నాడు. బాలీవుడ్ బ్యూటీ దిశాపటానీ ఈ చిత్రంలో ఆడిపాడనుంది. ఓటీటీ హిట్స్ ఆకాశం నీ హద్దురా, జై భీమ్ చిత్రాలు నటుడిగా సూర్యకు ఎంతో పేరు తెచ్చిపెట్టాయి.
ఇప్పుడు బాక్సాఫీస్ దగ్గర కూడా అలాగే తన పేరు మార్మోగిపోవాలిఅనుకుంటున్నాడు సూర్య.
అందుకే తన కొత్త చిత్రాన్ని రెండు భాగాలుగా విడుదల చేసేందుకు సిద్ధమవుతున్నాడు.
బాహుబలి దారిలో, పొన్నియిన్ సెల్వన్ దారిలో, ఈ చిత్రం కూడా సెంటిమెంట్ రిపీట్ చేసి
తమిళ సినిమా రికార్డులను తిరగరాస్తుందో లేదో చూడాలి.