భార్య నుంచి విడాకులు తీసుకుంటున్న విజయ్
By KTV Telugu On 6 January, 2023
జనవరి 11న విజయ్ నటిస్తున్న వారసుడు, అజిత్ నటిస్తున్న తెగింపు తెలుగు సహా దక్షిణాది రాష్ట్రాలు మొత్తం,
థియేటర్స్ లో దుమ్మురేపనున్నాయి. మిగితా రాష్ట్రాల సంగతి పక్కన పెడితే తమిళనాడులో ఈ ఇద్దరు హీరోల అభిమానుల మధ్య పచ్చగడ్డి వేస్తే భగ్గుమంటుంది. ఇలాంటి పరిస్థితుల్లో విజయ్ ఇమేజ్ ను డ్యామేజ్ చేసేందుకు అన్నట్లు కొందరు విజయ్ వికీపీడియాలోకి వెళ్లి అక్కడ తాను తన భార్య నుంచి విడాకులు తీసుకుని మరో హీరోయిన్ తో సహజీవనం చేస్తున్నట్లుగా వీకీని అప్ డేట్ చేసాడు. దాంతో కొద్ది నిముషాలు విజయ్ ఫ్యాన్స్ అయోమయానికి గురైయ్యారు.
టోటల్ తమిళనాడు షేక్ అయింది. ఎందుకంటే విజయ్ కు పెళ్లై 23 ఏళ్లు గడిచిపోయింది. ఇప్పుడు వారి కుటుంబంలో అంత పెద్ద సమస్య ఎందుకు వచ్చింది అనేది అందరికి అనుమానం కలిగింది. ఇంతలో ఇది ఒక ఆకతాయి చేసిన పని అని తెల్సి అందరూ ఊపిరి పీల్చుకున్నారు. ప్రస్తుతం విజయ్ నిజంగానే కుటంబానికి దూరంగా ఉంటున్నాడు. అందుకు కారణం తన కుటుంబ సభ్యులు న్యూ ఇయర్ సెలబ్రేషన్స్ కోసం విదేశాలకు వెళ్లారు. విజయ్ వారసుడు ప్రమోషన్స్ కోసం ఇండియాలోనే ఉండిపోయాడు. ఇదే అదునుగా ఒక ఆకతాయి విజయ్ వికీపీడియాను మార్చేసాడు. తునీవుకు పోటీగా వారసుడు వస్తున్నాడు కాబట్టే ఎవరైనా అజిత్ అభిమాని ఇలాంటి తుంటరి పని చేసి ఉంటాడనే టాక్ కూడా ఉంది.