బాలీవుడ్ కు వెళ్తున్న అఖండ.. పఠాన్ పరిస్థితి ఏంటి?
By KTV Telugu On 11 January, 2023
పఠాన్ ట్రైలర్ వచ్చింది చూసే ఉంటారు. నాలుగేళ్ల తర్వాత కింగ్ ఖాన్ బాలీవుడ్ కు తిరిగొస్తున్న సినిమా ఇది.
అందుకే యశ్ రాజ్ ఫిల్మ్స్ వారు దాదాపు 250 కోట్లు బడ్జెట్ పెట్టి ఈ సినిమాను నిర్మించారు. యశ్ రాజ్ స్పై యూనివర్స్ లో భాగంగా ముందు హృతిక్ నటించిన వార్ వచ్చింది. ఇఫ్పుడు పఠాన్ వస్తోంది. జనవరి 25న ఈ చిత్రం ప్రపంచ వ్యాప్తంగా భారీ ఎత్తున రిలీజ్ అవుతోంది. వార్ తీసిన సిద్ధార్ద్ ఆనంద్ ఈ చిత్రాన్ని తెరకెక్కిస్తున్నాడు. రిపబ్లిక్ డే వీకెండ్ టార్గెట్ గా బాక్సాఫీస్ బరిలోకి దిగుతున్న ఈ సినిమాపై బాలీవుడ్ లోనే కాదు టోటల్ ఇండియాలో భారీ అంచనాలు ఉన్నాయి. షారుఖ్ యాక్షన్, దీపిక గ్లామర్, జాన్ అబ్రహం విలనీ, ఇలా పవర్ ప్యాక్డ్ మూవీగా సిద్దార్ధ పఠాన్ ను తీర్చిదిద్దాడు. అందుకే ఈ మూవీ ఎదురెళ్లే సాహసం బాలీవుడ్ లో ఎవరూ చేయడం లేదు.
మిషన్ మజ్నూ, ఛత్రివాలీ లాంటి చిత్రాలు పఠాన్ కు భయపడి డైరెక్ట్ గా ఓటీటీలో రిలీజ్ అవుతున్నాయి.
కాని పఠాన్ కు భయపడకుండా బాలీవుడ్ వెళ్తున్నాడు బాలయ్య. నట సింహం నటించిన బ్లాక్ బస్టర్ అఖండ జనవరి 20 అంటే పఠాన్ కు సరిగ్గా నాలుగు రోజుల ముందు బాలీవుడ్ ఆడియెన్స్ ముందుకు వెళ్తోంది. పఠాన్ యాక్షన్ అంటే బాలయ్య డెవోషన్ అంటున్నాడు. తెలుగు రాష్ట్రాల్లో దుమ్మురేపిన ఈ నందమూరి మాస్ మూవీ నార్త్ సైడ్ మార్కెట్ లో ఏ మేరకు మెప్పిస్తుంది అనేది చూడాల్సి ఉంది.