రామ్ చరణ్ రచ్చ మామూలుగా లేదుగా.. 2023లో మూడు చిత్రాలు
By KTV Telugu On 13 January, 2023
RRR తర్వాత మెగా పవర్ స్టార్ మరింత రెచ్చిపోనున్నాడు. ఇప్పటికే శంకర్ తో ఒక సినిమాను
అలాగే బుచ్చిబాబుతో మరో మూవీని చేస్తున్నాడు రామ్ చరణ్. సుకుమార్ తో ఇంకో చిత్రం చేయాల్సి ఉంది.
ఈ లిస్ట్ లో ఇంకా మూడు చిత్రాలు బ్యాలెన్స్ ఉన్నాయట. 2025 వరకు తాను ఆరు చిత్రాలతో బిజీగా ఉండనున్నట్లు ఓ ఇంటర్వ్యూలో రామ్ చరణ్ చెప్పుకురావడం ఇఫ్పుడు హాట్ టాపిక్ గా మారింది. మనకు తెలిసింది ముగ్గురు దర్శకులే. మనకు తెలియకుండా మరో ముగ్గురు దర్శకులు ఎవరై ఉంటారబ్బా అని ఆలోచిస్తున్నారు చరణ్ ఫ్యాన్స్. గతంలో రామ్ చరణ్ తో సినిమాలు చేస్తున్నట్లు ప్రకటించిన వారి లిస్ట్ తీసి వెతుకుతున్నారు. అందులో విక్రమ్ దర్శకుడు లోకేష్ కనగరాజ్ ఉన్నాడు. అలాగే అర్జున్ రెడ్డి డైరెక్టర్ సందీప్ వంగా ఉన్నాడు. బాలీవుడ్ లో కశ్మీర్ ఫైల్స్ లాంటి బ్లాక్ బస్టర్ అందించిన వివేక్ అగ్ని హోత్రి పేర్లు ఉన్నాయి. శంకర్ సినిమానే దాదాపు ఏడాదిన్నర పాటు తెరకెక్కనుంది. ఈ సినిమా ఈ ఏడాదే విడుదల కానుందని నిర్మాత దిల్ రాజు కూడా క్లారిటీ ఇచ్చాడు. మొత్తంగా చిరు దారిలో చరణ్ కూడా పాన్ ఇండియా మార్కెట్ లో దూకుడిగా వెళ్లాలని నిర్ణయించుకున్నట్లు కనిపిస్తోంది. వీటన్నిటితో పాటు రాజమౌళి తెరకెక్కించే RRR-2 కూడా ఉంది.