వైసీపీ ప్రభుత్వంపై హైపర్ అది పంచులు
By KTV Telugu On 13 January, 2023
జబర్దస్త్‌ కామెడీ షోతో పాపులర్ అయిన హైపర్ ఆది వైసీపీ ప్రభుత్వంపై విమర్శలు గుప్పించారు. శ్రీకాకుళం జిల్లా రణస్థలంలో జనసేన పార్టీ ఏర్పాటు చేసిన యువశక్తి సభలో పవన్ కళ్యాణ్ వీరాభిమాని హైపర్ ఆది తనకు అలవాటైన స్టైల్లో రెచ్చిపోయారు.
ఆది మాటలకు పవన్ కళ్యాణ్ కూడా పగలబడి నవ్వకున్నారు. ఏపీ ప్రభుత్వంలో పవన్ కళ్యాణ్ ను తిట్టే శాఖ పెట్టుకోవాలని సెటైర్‌ వేశారు. అప్పుడు అదే పనిగా పవన్‌ను తిట్టుకోండి అని మండిపడ్డారు. మీ శాఖల గురించి పది నిమిషాలు మాట్లాడమంటే పదో సెకనులోనే మీరు దొరికిపోతారు అంటూ వైసీపీ మంత్రులను విమర్శించారు. వారాహి బండిని అడ్డుకుంటారా ఆయనకు తిక్కరేగితే పాదయాత్ర చేస్తారు అప్పుడు మీరు కాశీయాత్రకు పోవాల్సిందే అన్నారు. ఈ మధ్య ప్యాకేజీ అంటున్నారు పవన్ కళ్యాణ్ అనే వ్యక్తి ప్రేమకు లొంగుతాడే తప్ప ప్యాకేజీకి కాదు అని మండిపడ్డారు హైపర్ ఆది.
పవన్‌ను దత్తపుత్రుడు అంటున్నారు మీరు ఏ నోటితో అయితే దత్తపుత్రుడు అన్నారో అదే నోటితో అంజనీపుత్రుడు అనిపించుకుంటారు అని పవన్‌ను ఆకాశానికెత్తేశారు. ప్రపంచంలో ప్రతి ఒక్కరూ పవన్ కళ్యాణ్ ను ఏదో ఒక మాట అనేసి పాప్యులర్ అయిపోవాలనుకునేవాడే మీ పాప్యులారిటీ కోసం ఆయన పర్సనాలిటీ దెబ్బతినేలా మాట్లాడితే ఈసారి జనసేన కొట్టే దెబ్బకు మీ అబ్బ గుర్తొస్తాడు అన్నారు. నిలకడలేని రాజకీయం అంటున్నారు. మీరేమో వ్యాపారాలు చేసుకుంటూ రాజకీయాలు చేయొచ్చా. వ్యాపారాలు ఏమీ లేని ఆయన సినిమాలు చేసుకుంటూ రాజకీయాలు చేయకూడదా అని ప్రశ్నించారు. ఒక్కడి నిజాయతీని తట్టుకోలేక 151 మంది ఎమ్మెల్యేలు భయపడిపోతున్నారు. అని వ్యాఖ్యానించారు ఆది. పవన్ పై కుల ముద్ర వేస్తున్నారు నా తల్లిపై ఒట్టేసి చెబుతున్నా పవన్ లాంటి నీతిమంతుడైన రాజకీయ నాయకుడ్ని మరొకరిని చూడలేరు అంటూ ఆది తీవ్రస్వరంతో ప్రసంగించారు. హైపర్ ఆది వ్యాఖ్యలపై వైసీపీ కార్యకర్తలు కారాలు మిరియాలు నూరుతున్నారు.