పత్తాలేని వారసుడు? షాక్ ఇస్తున్న అడ్వాన్స్ బుకింగ్
By KTV Telugu On 14 January, 2023
సంక్రాంతి సినిమా అనగానే వారసుడు పేరే వినిపించింది.
అంతగా ఈ సినిమాను తెలుగు నాట కాంట్రవర్సీ చేసాడు దిల్ రాజు.
సీన్ కట్ చేస్తే ఇప్పుడు ఈ సినిమాకు మినిమం ఓపెనింగ్స్ కరువయ్యాయి.
తొలి రోజు జరిగిన అడ్వాన్స్ బుకింగ్ చూసిన దిల్ రాజు కు మైండ్ బ్లాక్ అయిందని ఇండస్ట్రీ వర్గాలు చెప్పుకొస్తున్నాయి.
కేవలం 50 లక్షల అడ్వాన్స్ బుకింగ్ తో మాత్రమే వారసుడు కనిపిస్తోంది.
జనవరి 11 నుంచి పోస్ట్ పోన్ కావడం, వీర సింహా రెడ్డి, వాల్తేరు వీరయ్య చిత్రాల తర్వాత విడుదల అవుతుండటం,
వారసుడికి మైనస్ మారిందని ట్రేడ్ వర్గాల అంచనా. పైగా భోగి రోజు, అది కూడా శనివారం ఇలాంటి ఓపెనింగ్స్ ను దిల్ రాజు అస్సలు ఎక్స్ పెక్ట్ చేయలేదు. తమిళనాడులో ఈ సినిమాకు యావరేజ్ అని టాక్ రావడం, విజయ్ రీసెంట్ గా నటించిన చిత్రాల్లో వీక్ మూవీ అంటూ టాక్ రావడంతో, ఆ ఎఫెక్ట్ తెలుగు వర్షన్ పై పడింది. బాలీవుడ్ లో హిందీ వర్షన్ కూడా అక్కడి ఆడియెన్స్ ను పెద్దగా ఎట్రాక్ట్ చేయడం లేదు. పైగా తెలుగు వర్షన్ ప్రమోషన్ కు విజయ్ కూడా రాలేదు. ఆ ఇంపాక్ట్ ఈ మూవీ పై చాలా పడిందనే వార్తలు కూడా వినిపిస్తున్నాయి. పండక్కి రిలీజైన సినిమాలు అన్ని యావరేజ్ టాక్ తోనే సరిపెట్టుకున్నాయి. ఈ దశలో పండక్కి పండగా లాంటి సినిమా వారసుడు తెలుగు ప్రేక్షకులను మెప్పిస్తే మాత్రం ఆశ్చర్యపోవాల్సిందే.