క్లాష్ కు రెడీ పవన్, మహేష్.. ఆగస్ట్ లో మహా బాక్సాఫీట్ ఫైట్
By KTV Telugu On 17 January, 2023
త్రివిక్రమ్ దర్శకత్వంలో మహేష్ బాబు నటించే చిత్రం
జనవరి 18 నుంచి రెగ్యూలర్ షూటింగ్ ప్రారంభించుకోనుందని సహ నిర్మాత నాగ వంశీ కన్ ఫామ్ చేసాడు. దాంతో సూపర్ స్టార్ ఫ్యాన్స్ కు సంక్రాంతిని ఇంకా బాగా సెలబ్రేట్ చేసుకునేందుకు ఒక రీజన్ దొరికింది. ఈ సంగతి ఇలా ఉంటే ఇండిపెన్డెన్స్ డే వీకెండ్ ను టార్గెట్ గా చేసుకుంటూ ఈ చిత్రాన్ని ఆగస్ట్ 11న రిలీజ్ చేయబోతున్నారట. అంటే సినిమాను ఆరు నెలల్లో పూర్తి చేసి ఆ వెంటనే ఆగస్ట్ లో రిలీజ్ చేస్తారనమాట. అయితే ఆగస్ట్ 15కు పవన్ నటిస్తున్న హరి హర వీర మల్లు కూడా రిలీజ్ కు సన్నాహాలు జరుపుకుంటోంది. నిజానికి ఈ మూవీని వేసవి కానుకగా రిలీజ్ చేయాలి అనుకున్నప్పటికీ షూటింగ్ అనుకున్న సమయానికి పూర్తి చేయలేకపోవడంతో ఈ పాన్ ఇండియా మూవీని ఆగస్ట్ 15న తీసుకురావాలని నిర్మాత ఏ.ఎం. రత్నం భావించారు. కాని ఇప్పుడు మహేష్ బరిలోకి దిగుతుండటం పైగా పవన్ బెస్ట్ ఫ్రెండ్ త్రివిక్రమ్ డైరెక్ట్ చేసిన చిత్రం కావడంతో పవన్ తన హరి హర వీర మల్లు మూవీని ఆగస్ట్ మొదటి వారంలో లేదా దసరా కానుకగా రిలీజ్ చేసినా ఆశ్చర్యం లేదు.