టాలీవుడ్ వైపు హృతిక్ చూపు
By KTV Telugu On 18 January, 2023
బాలీవుడ్ లో గ్రీక్ గాడ్ గా వెలుగుతున్నాడు హృతిక్.
పైగా క్రిష్ సిరీస్ తో సూపర్ హీరోగా సూపర్ క్రేజ్ తెచ్చుకున్నాడు.
ప్రస్తుతం బాలీవుడ్ లో చాలా ప్రాజెక్ట్స్ లో నటిస్తున్నాడు.
ఇదే స్పీడ్ లో తెలుగు హీరోలతో హృతిక్ నటించేందుకు ఇంట్రెస్ట్ చూపిస్తుండటం
మల్టీస్టారర్స్ ప్రాజెక్ట్స్ కు గ్రీన్ సిగ్నల్ ఇస్తుండటం అందర్నీ ఆశ్చర్యపరుస్తోంది.
ఇప్పటికే బాలీవుడ్ దర్శకుడు నితీష్ తివారి తెరకెక్కించబోయే
రామాయణంలో మహేష్ బాబుతో కలసి నటించేందుకు గ్రీన్ సిగ్నల్ ఇచ్చాడు హృతిక్.
ఈ సినిమాలో మహేష్ శ్రీరాముడిగానూ హృతిక్ రావణ బ్రహ్మా గా నటించబోతున్నారు.
ఈ సంగతి ఇలా ఉంటే ఇప్పుడు వార్ దర్శకుడు సిద్ధార్థ్ ఆనంద్ తెరకెక్కించేందుకు ప్రయత్నిస్తున్న పాన్ ఇండియా మల్టీస్టారర్ లో సైతం హృతిక్ అడుగు పెట్టబోతున్నాడట. మైత్రీ మూవీ మేకర్స్ నిర్మించబోతున్న ఈ సినిమాలో ప్రభాస్ హీరో. ఒక వైపు బాహుబలి మరో వైపు క్రిష్ ఈ కాంబినేషన్ లో మూవీ అంటే ఇండియాలో ఎన్ని బాక్సాఫీస్ రికార్డులు లేచిపోతాయో ప్రత్యేకంగా చెప్పుకోక్కర్లేదు. అయితే డ్రీమ్ ప్రాజెక్ట్ తెరకెక్కాలి అంటే మరో మూడు నాలుగు ఏళ్లు పట్టే అవకాశం ఉంది. ప్రభాస్ చేతిలో ఉన్న చిత్రాలు పూర్తైన తర్వాతే ఈ మల్టీస్టారర్ సెట్స్ పైకి వెళ్లనుంది.