మిర్చి -2 చేయనున్న ప్రభాస్ కాకపోతే కొరటాల దర్శకుడు కాదు
By KTV Telugu On 21 January, 2023
బాలయ్య సినిమా తీసి బ్లాక్ బస్టర్ అందుకోవడం అంటే చిన్న విషయం కాదు.
చాలా వరకు బోయపాటి మాత్రమే ఇలాంటి ఫీట్ రిపీట్ చేస్తుంటాడు.
అందుకే అతనితో మాత్రమే బాలయ్య బ్లాక్ బస్టర్స్ అందుకుంటాడు.
ఇప్పుడు ఈ లైన్ లో గోపీచంద్ మలినేని వచ్చాడు. సంక్రాంతికి రిలీజైన వీర సింహా రెడ్డితో
బాలయ్య కెరీర్ లోనే బిగ్గెస్ట్ హిట్ ఇచ్చాడు. దాంతో అందరి చూపు గోపీచంద్ మలినేని పై పడింది.
వీర సింహా రెడ్డి మొత్తాన్ని ఎలివేషన్స్ తో నింపేయడంతో అతని ఎలివేషన్స్ కు టాలీవుడ్ ఫిదా అవుతోంది.
వీర సింహా రెడ్డి తీసిన మైత్రీ మూవీ మేకర్స్ ఇఫ్పుడు ఈ యంగ్ డైరెక్టర్ తోనే మరో మూవీ తెరకెక్కించాలనుకుంటోంది.
అందుకోసం కథా చర్చలు జరుపుతోంది. ప్రస్తుతం తన దగ్గర ఉన్న కథను ప్రభాస్ తో తెరకెక్కించాలనుకుంటున్నాడు గోపీచంద్. అందుకు తగ్గట్లే ఈ మధ్యే ప్రభాస్ కు సింగిల్ లైన్ కూడా వినిపించాడట.
అది విన్న డార్లింగ్ సినిమా చేసేందుకు గ్రీన్ సిగ్నల్ ఇచ్చాడట. అయితే పూర్తిస్థాయి స్క్రిప్ట్ సిద్ధం కావడానికి
గోపీచంద్ మలినేని మరికొంత సమయం తీసుకోనున్నాడు. ఈ లోపు ప్రభాస్ చేతిలో ఉన్న ఒకటి రెండు పెద్ద ప్రాజెక్టులు కంప్లీట్ అవుతాయి. గోపీచంద్ మలినేనితో మూవీ అంటే ప్రభాస్ నుంచి మిర్చి లాంటి పర్ఫెక్ట్ మాస్ మూవీ ఎక్స్ పెక్ట్ చేస్తున్నారు ఫ్యాన్స్.