ఎట్టకేలకు ఆహాలోకి వస్తున్న పవన్ కళ్యాణ్ ఎపిసోడ్
By KTV Telugu On 21 January, 2023
జనవరి 26న పవన్ కళ్యాణ్ నటిస్తున్న పాన్ ఇండియా ఫిల్మ్ హరి హర వీర మల్లు చిత్రం నుంచి న్యూ టీజర్ రిలీజ్ కానుందని ప్రచారం సాగింది. టీజర్ తో పాటు పనిలో పనిగా ఈ సినిమా రిలీజ్ డేట్ ను కూడా ప్రకటించే అవకాశాలు ఉన్నాయని ప్రచారం సాగింది. కాని ఈ వార్తల్లో ఎలాంటి నిజం లేదట. హరి హర వీరమల్లు సినిమాకు సంబంధించి షూటింగ్ ఇంకా బ్యాలెన్స్ ఉంది. అందుకోసం త్వరలో యూనిట్ బికనీర్ వెళ్లనుంది. 90 శాతం సినిమా షూటింగ్ పూర్తైన తర్వాతే సినిమా రిలీజ్ డేట్ ప్రకటించాలి అనుకుంటున్నాడు క్రిష్. క్రిష్ డైరెక్ట్ చేస్తున్న ఈ చిత్రాన్ని భారీ బడ్జెట్ తో ఏ.ఎం. రత్నం నిర్మిస్తున్నాడు. వీలుంటే వచ్చే వేసవి కానుకగా ఈ మూవీని రిలీజ్ చేసేందుకు ప్రయత్నిస్తున్నారు దర్శకనిర్మాతలు. ఈ సంగతి ఇలా ఉంటే పవన్ కళ్యాణ్ అన్ స్టాపబుల్ షో స్ట్రీమింగ్ కు ఆహా రెడీ అవుతున్నట్లు కనిపిస్తోంది. సీజన్ -2కు గ్రాండ్ గా గుడ్ బై చెప్పేందుకు పవన్ ఎపిసోడ్స్ రెడీ అవుతున్నాయని సమాచారం.
ఇప్పటికే రిలీజైన టీజర్ యూట్యూబ్ ను షేక్ చేస్తోంది. పవన్ పొలిటికల్ కామెంట్స్ రెండు చోట్లా ఓడిపోవడం పై అన్నయ్య పై అభిమానం పై ఇలా చాలా రకాలుగా ఈ షోలో పవన్ ను బాలయ్య ప్రశ్నించాడు. ఆ డీటైల్స్ అన్ని తెలియాలి అంటే మరికొద్ది రోజులు ఆగాల్సిందే అంటూ ఊరిస్తోంది ఆహా.