బాలకృష్ణ తో హరీష్ శంకర్ ఫిల్మ్ ప్లాన్ చేస్తోన్న మైత్రీ మూవీ మేకర్స్
By KTV Telugu On 23 January, 2023
గబ్బర్ సింగ్ డైరెక్టర్ హరీష్ శంకర్ మరో కొత్త సినిమా కన్ ఫామ్ చేసాడు.
ఈసారి నటసింహంతో మూవీ చేసేందుకు హరీష్ శంకర్ రెడీ అవుతున్నాడు.
ప్రస్తుతం పవన్ హీరోగా నటించనున్న ఉస్తాద్ భగత్ సింగ్ సినిమా పూర్తైన తర్వాతే
ఈ చిత్రం పట్టాలెక్కనుంది. మొత్తంగా బాలయ్య ను డైరెక్ట్ చేయాలనుకుంటున్న దర్శకుల లిస్ట్ రోజు రోజుకు పెరుగుతోంది. ఇప్పటికే సర్కారు వారి పాట దర్శకుడు పరశురామ్ కూడా బాలయ్య తో మూవీ తీసేందుకు స్టోరీ రెడీ చేసుకుంటున్నాను అని తెలిపాడు. మరో వైపు బింబిసార దర్శకుడితో మూవీ లాక్ చేసుకున్నాడు బాక్సాఫీస్ బొనాంజ. ఇవి కాకుండా ప్రస్తుతం అనిల్ రావిపూడి మేకింగ్ లో బాలయ్య సినిమా సెట్స్ పై ఉంది. పూర్తిగా తెలంగాణ యాసలో ఈ చిత్రంలో బాలయ్య మాట్లాడబోతున్నాడని అనిల్ రావిపూడి కూడా వీరసింహారెడ్డి సక్సెస్ మీట్ లో క్లారిటీ ఇచ్చేశాడు. అఖండ, వీర సింహా రెడ్డి సినిమాల విజయాలు బాలయ్య మార్కెట్ ను ఒక్కసారి గా పెంచాయి. వంద కోట్ల హీరోను చేసాయి. దాంతో దర్శకులందరూ ఇప్పుడు బాలయ్యతో సినిమాకు సిద్ధమవుతున్నారు.