ఆగస్ట్ 11న ఏం జరగనుంది. సూపర్ స్టార్ వర్సెస్ సూపర్ స్టార్ క్లాష్ జరగనుందా?
By KTV Telugu On 23 January, 2023
క్లాష్ అనే మాట వినిపిస్తే చాలు ఇండస్ట్రీ వర్గాలు ఎక్కడలేని క్యూరియా సిటీని చూపిస్తున్నాయి.
సంక్రాంతి క్లాష్ వేడి ఇంకా చల్లారలేదు. ఇప్పుడు ఆగస్ట్ 11న జరిగే క్లాష్ గురించి డిస్కషన్స్ మొదలయ్యాయి.
ఆ రోజున మహేష్ తన కొత్త చిత్రంతో బాక్సాఫీస్ ముందుకు రానున్నాడు.
త్రివిక్రమ్ దర్శకత్వంలో తెరకెక్కుతున్న సినిమా ఇది. మహేష్ మూవీకి పోటీగా తమిళ సూపర్ స్టార్ రజనీకాంత్ నటిస్తున్న జైలర్ కూడా రిలీజ్ కానుందనేది ఇప్పుడు సెన్సేషన్ సృష్టిస్తోంది.
మరోవైపు బాలీవుడ్ నుంచి సందీప్ వంగా డైరెక్ట్ చేస్తోన్న పాన్ ఇండియా ఫిల్మ్ యానిమల్ కూడా,
ఇదే రోజున రిలీజ్ కు ముస్తాబవుతోంది. అర్జున్ రెడ్డి తెలుగు, హిందీ చిత్రాల తర్వాత సందీప్ వంగా బాలీవుడ్ హీరో రణభీర్ కపూర్ తో తెరకెక్కిస్తున్న మూవీ ఇది. ఈ మూడితో పాటు బాలీవుడ్ లో మరో మూవీ కూడా విడుదల కానుంది. అదే గదర్ -2. గతంలో వచ్చిన బ్లాక్ బస్టర్ గదర్ సినిమాకు అఫీసియల్ సీక్వెల్. ఈ సినిమా వల్ల మహేష్ మూవీకి ఇబ్బంది ఏం ఉండదు. కాని జైలర్ అండ్ యానిమల్ వల్ల మాత్రం వసూళ్ల పై కొంత ఇంపాక్ట్ పడే అవకాశాలు కనిపిస్తున్నాయి.