ఆస్కార్ బరిలో నాటు నాటు.. సంబరాల్లో RRR యూనిట్
By KTV Telugu On 25 January, 2023
దర్శకధీరుడు రాజమౌళి తెరకెక్కించిన త్రిబుల్ ఆర్ ఎట్టకేలకు
ఆస్కార్ ఫైనల్ నామినేషన్స్లో చోటు సంపాదించింది.
ఒరిజినల్ సాంగ్ కేటగిరీలో నాటు నాటు స్థానం అందుకోవడంతో
ప్రపంచ వ్యాప్తంగా ఈ పాటకు ఉన్న అభిమానులు ఆనందాన్ని వ్యక్తం చేసారు.
ఇప్పటికే ఈ పాట ప్రతిష్ఠాత్మకమైన గోల్డెన్ గ్లోబ్ అవార్డును సైతం గెల్చుకుంది.
మార్చి 12న జరిగే ఆస్కార్ అవార్డ్స్ కార్యక్రమంలో నాటు నాటు అకాడమీ అందుకుంటుందా లేదా అన్నది తెలుస్తుంది. త్రిబుల్ ఆర్ టీమ్కు మెగాస్టార్ శుభాకాంక్షలు తెలియజేశాడు. సినిమా వైభవాన్ని చాటేందుకు ఇంకా ఒక్క అడుగు దూరమే ఉందని కోట్లాదిమంది ప్రేక్షకులు ఆకాంక్ష ప్రార్థనలు మార్చి 12న ఫలించాలని కోరుకుంటున్నాను అంటూ చిరు ట్వీట్ చేసాడు. పవన్, బాలయ్య, వెంకటేష్, రవితేజ అందరిదీ అదే మాట. నాటు నాటుతో పాటు 95వ అకాడమీ అవార్డుల కోసం ఇండియా నుంచి అధికారికంగా వెళ్లిన గుజరాతీ చిత్రం ఛల్లో షో తుది జాబితాలో చోటు సంపాదించలేకపోయింది. అయితే ఆల్‌ దట్‌ బ్రెత్స్, డాక్యుమెంటరీ షార్ట్‌ సబ్జెక్ట్ విభాగంలో ది ఎలిఫెంట్‌ విష్పర్స్‌ నామినేట్‌ అయ్యాయి.