పఠాన్ విధ్వంసం తొలి రోజు 100కోట్లు తొలి రెండు రోజుల్లో 200 కోట్లు
By KTV Telugu On 27 January, 2023
షారుఖ్ హీరోగా నటించిన పఠాన్ ట్రేడ్ పండితులు ఊహించిన దానికంటే ఎక్కువ విధ్వ్ంసాన్ని సృష్టిస్తోంది.
తొలిరోజు రికార్డ్ స్థాయిలో బుకింగ్ జరిగింది. అందుకు తగ్గట్లే వరల్డ్ వైడ్ గా ఈ మూవీ 106 కోట్లను రాబట్టింది.
పఠాన్ దెబ్బకు కేజీయఫ్ -2 హిందీ వర్షన్ ఓపెనింగ్ రికార్డ్ ఎగిరిపోయింది.
కేజీయఫ్ 2 తొలి రోజు హిందీ వర్షన్ వసూళ్లు 53 కోట్లు అయితే పఠాన్ తొలి రోజు వసూళ్లు 55 కోట్లు.
ఈ లెక్కతో బాలీవుడ్ ఫుల్ హ్యాపీగా ఉంది. రెండవరోజు రిపబ్లిక్ డే హాలీడే కలసి రావడంతో
పఠాన్ మరింత రెచ్చిపోయాడు అని టాక్. రెండో రోజు కూడా ఈ సినిమా మరో వంద కోట్ల వసూళ్లను అందుకుని
షారుఖ్ కెరీర్ లోనే బిగ్గెస్ట్ బ్లాక్ బస్టర్ దిశగా పరుగులు తీస్తోంది.
పఠాన్ చూసేందుకు ఇండియాతో పాటు బయటి దేశాల్లోని ప్రేక్షకులు కూడా పోటీ పడుతుండటంతో
వసూళ్ల వరద పారుతోంది. తొలి రోజు ఓవర్సీస్ నుంచి 35 కోట్లకు పైగా వసూళ్లు వచ్చాయి.
పఠాన్ స్పీడ్ చూస్తుంటే ఈ చిత్రం కేజీయఫ్ 2 హిందీ ఓవరాల్ కలెక్షన్స్ ను అదేవిధంగా బాహుబలి 2 వసూళ్లను క్రాస్ చేసే అవకాశాలు కనిపిస్తున్నాయి. సిద్ధార్థ్ ఆనంద్ డైరెక్ట్ చేసిన ఈ చిత్రాన్ని దాదాపు 250 కోట్ల బడ్జెట్ తో యశ్ రాజ్ ఫిల్మ్స్ నిర్మించింది.