బాలీవుడ్ బాక్సాఫీస్ కింగ్ పఠాన్ తొలి వీకెండ్ లో కనీ వినీ ఎరుగని వసూళ్లు
By KTV Telugu On 30 January, 2023
బాలీవుడ్ లో మరో సినిమా గురించి డిస్కషన్ లేదు. కొద్ది రోజుల క్రితం ఉన్న పరిస్థితుల గురించి సమీక్షలు లేవు.
ఇప్పుడంతా పఠాన్ జపం కనిపిస్తోంది. జవవరి 25న థియేటర్స్ లోకి వచ్చిన షారుఖ్ చిత్రం,
డే వన్ నుంచి హిందీ ఫిల్మ్ ఇండస్ట్రీకి సంబంధించిన అనేక రికార్డులు తిరగరాయడమే పనిగా పెట్టుకుంది.
తొలి రోజు ప్రపంచ వ్యాప్తంగా వంద కోట్లకుపైగా రాబట్టిన ఈ సినిమా
ఆ తర్వాత వరుసగా నాలుగు రోజులు అదే ట్రెండ్ ను కొనసాగించింది.
ఒక సినిమా రోజుకు వంద కోట్లు కొల్లగొట్టి 5 రోజుల్లోనే 500 కోట్ల వసూళ్లను దాటడం అంటే
హిందీ ఫిల్మ్ ఇండస్ట్రీలో గతంలో ఎప్పుడూ జరగలేదు. అందుకే పఠాన్ లక్ష్యం ప్రస్తుతం బాహుబలి -2 అని ట్రేడ్ పండితులు అంచనాల వేస్తున్నారు. ఈ సినిమా తప్పుకుండా బాహుబలి -2 హిందీ వసూళ్లను తిరగరాయడం ఖాయంగా కనిపిస్తోంది. అది కూడా ఎన్నో రోజులు పట్టే అవకాశాలు లేవు. కొద్ది రోజుల్లోనే ఈ రేర్ రికార్డ్ సాధ్యపడుతుంది.
ఇంతకీ బాహుబలి -2 హిందీ కలెక్షన్స్ ఎంతా అంటారా 530 కోట్లు. ఈ రికార్డ్ ను పఠాన్ చాలా అవలీలగా అందుకోబోతున్నాడు. బాలీవుడ్ సింహాసనాన్ని తిరిగి అందుకోనున్నాడు.