టాలీవుడ్ పై పఠాన్ ఎఫెక్ట్.. పఠాన్ లాంటి సినిమా ప్లాన్ చేస్తోన్న మైత్రీ మూవీ మేకర్స్
By KTV Telugu On 30 January, 2023
మైత్రీ మూవీ మేకర్స్ వేస్తోన్న అడుగులు ప్రకంపనలు సృష్టిస్తున్నాయి. ముందు తెలుగు సినిమా ఇండస్ట్రీపై ఆధిపత్యం సంపాదించారు. సంక్రాంతికి ఒకేసారి రెండు భారీ చిత్రాలు విడుదల చేసి రెండు కూడా బ్లాక్ బస్టర్స్ అందుకున్నారు మైత్రీ వారు. ఇప్పుడు వారి చూపు బాలీవుడ్ మార్కెట్ పై పడింది. అందుకే సల్మాన్ తో ఒక సినిమా ప్లాన్ చేస్తున్నట్లు వార్తలు వినిపిస్తున్నాయి. ఈ మూవీని హరీష్ శంకర్ డైరెక్ట్ చేయబోతున్నాడని నిన్న మొన్న టీటౌన్, బీటౌన్ లో బాగా ప్రచారం సాగింది. ఇప్పుడు ప్రభాస్ తో మైత్రీ ప్యాన్ ఇండియా మూవీ ప్లాన్ చేస్తోంది. ఈ సినిమాను తెరకెక్కించాల్సిందిగా
పఠాన్ దర్శకుడిని కోరుతోంది. అందుకు సిద్ధార్థ్ ఆనంద్ కూడా సిద్ధంగానే ఉన్నాడు. పఠాన్ దర్శకుడు అంటే మళ్లీ ఆ ప్లానింగ్ వేరుగా ఉంటుంది. బ్లాక్ బస్టర్స్ కు ఫార్ములా కనుకున్న ఈ యువ దర్శకుడు ప్రభాస్ తో సినిమా చేస్తున్నాడు.
ఆ మూవీలో హృతిక్ రోషన్ కూడా నటించబోతున్నాడు. అయితే ఇది మల్టీస్టారర్ మూవీనా లేక హృతిక్ కేవలం గెస్ట్ అప్పీయరెన్స్ మాత్రమే ఇస్తాడా అనేది సినిమా రిలీజ్ టైమ్ వరకు వెయిట్ చేయాల్సిందే. ప్రస్తుతం పఠాన్ దర్శకుడు హృతిక్ తోనే వార్ అనే సినిమా తీస్తున్నాడు. ఈ సినిమా పూర్తైన తర్వాత వచ్చే ఏడాది ప్రభాస్ తో మూవీ తెరకెక్కించనున్నాడు.