మరోసారి వార్తల్లోకి ఖుషి. మార్చితో సినిమాకు బ్రేక్ పడుతుందని వార్తలు
By KTV Telugu On 1 February, 2023
మయోసైటిస్ వ్యాధితో సమంత నాలుగైదు నెలలుగా ఇబ్బంది పడింది.
ఇప్పుడు తన శక్తినంతా కూడదీసుకుని మళ్లీ షూటింగ్స్ చేయడం ప్రారంభించింది.
కెరీర్ లో పీక్ స్టేజ్ లో ఉండటంతో అంతే వేగంతో చేతినిండా చిత్రాలతో బిజీ అయింది.
అందులో భాగంగా హిందీలో సిటాడెల్ అనే వెబ్ సిరీస్ ఒప్పుకుంది.
మరో వైపు ఖుషి సినిమా చేయాలనుకుంది. అందుకు తగ్గట్లే షూటింగ్ లో కూడా పాల్గొంది.
ఇంతలో వ్యాధి తీవ్రం కావడంతో కొన్ని నెలల పాటు ఇంటికే పరిమితం అయింది.
ఇప్పుడు కాస్త కోలుకున్న తర్వాత షూటింగ్స్ చేయడం ప్రారంభించింది సమంత.
అయితే ముందుగా బాలీవుడ్ వెబ్ సిరీస్ షూటింగ్ ను ప్రారంభించింది.
ఈ దశలో మార్చి వరకు సమంత ఖుషి సినిమా షూటింగ్ కు రాకపోతే
ప్రాజెక్ట్ ను పూర్తిగా నిలిపేసి మరో మూవీలో శివ నిర్వాణ బిజీ కానున్నాడని బాగా ప్రచారం సాగింది.
ఇంతలో శివ తనకు తానుగా స్పందించాడు. త్వరలో ఖుషి షూటింగ్ ప్రారంభం కానుందని తెలిపాడు.
దాంతో ఖుషి కన్ ఫ్యూజన్ కు క్లారిటీ వచ్చింది. ఇప్పటికే 60 శాతానికి పైగా షూటింగ్ పూర్తి చేసుకున్న ఈ సినిమాను
ఇప్పుడెలా నిలిపేస్తారని పుకార్లు పుట్టించారో అర్ధం కాలేదు మరి. ఖుషిలో విజయ్ తో కలసి లవ్ స్టోరీలో నటిస్తోంది సమంత. గతంలో ఈ జంట మహానటిలో కొద్దినిముషాలు సర్ ప్రైజ్ చేసారు.