క్రేజీ మల్టీస్టారర్ లో రామ్ చరణ్? మోస్ట్ సక్సెస్ ఫుల్ ఫిల్మ్ డైరెక్టర్ కు ఛాన్స్?
By KTV Telugu On 1 February, 2023
రామ్ చరణ్ సెట్ చేసుకుంటున్న ప్రాజెక్ట్ మెగా ఫ్యాన్స్ కలలో కూడా ఊహించని విధంగా ఉన్నాయి.
శంకర్ తో మూవీ గ్రాండీయర్ గా తెరకెక్కుతోంది. అలాగే బుచ్చిబాబుతో మూవీ చేయనున్నాడు.
ఇప్పుడు ఇదే లిస్ట్ లో సీతారామం దర్శకుడు హను రాఘవపూడితో మూవీ చేయాలనుకుంటున్నాడట.
అంతే కాదు ఈ చిత్రం ఒక మల్టీస్టారర్ సినిమా అట. తమిళ స్టార్ హీరో సూర్య కూడా ఈ చిత్రంలో కీలకపాత్రలో నటించనున్నాడట. సీతారామం లాంటి బ్లాక్ బస్టర్ తర్వాత మరింత పవర్ ఫుల్ స్టోరీతో
ఈసారి సినిమా తెరకెక్కించాలనుకుంటున్నాడు హను. అందుకోసం రామ్ చరణ్, సూర్య పర్ఫెక్ట్ అనుకుంటున్నాడట.
వీరిద్దరు కూడా హను ప్రాజెక్ట్ కు గ్రీన్ సిగ్నల్ ఇచ్చారట. ఈ మల్టీస్టారర్ మూవీతో టాలీవుడ్ లో మూవీచేయాలనుకున్న సూర్య కల నెరవేరుతుంది. అలాగే రామ్ చరణ్ కు తమిళనాడులో మరింత మార్కెట్ పెరగనుంది.
అయితే ఇప్పటికిప్పుడు ఈ ప్రాజెక్ట్ పట్టాలెక్కే అవకాశాలు తక్కువ. రామ్ చరణ్ శంకర్ మూవీతోనూ, సూర్య శివ చిత్రంతోనూ బిజీగా ఉన్నారు. మరి హను ఎంత కాలం వీరిద్దరి కోసం వేచి ఉంటాడు అనే దాని పై ఈ మల్టీస్టారర్ ఆధారపడి ఉంది.