అదిరిపోయిన కాజల్ రీఎంట్రీ..
By KTV Telugu On 2 February, 2023
అగ్రహీరోలకు హీరోయిన్స్ దొరకడం అనేది కష్టంగా మారింది. అందుకే బాలయ్య, చిరు, నాగార్జున, వెంకటేష్,
సినిమాల విషయంలో వేగం తగ్గించి ఆచి తూచి అడుగులు వేస్తున్నారు.
సంక్రాంతికి విడుదలైన వాల్తేరు వీరయ్య, వీర సింహారెడ్డి చిత్రాల్లో శృతి కథానాయికగా నటించిన సంగతి తెలిసిందే. ఇప్పుడు మరోసారి సేమ్ హీరోయిన్ కోసం చిరు, బాలయ్య పోటీ పడుతున్నారని తెలుస్తోంది. అనిల్ రావిపూడి మేకింగ్ లో బాలకృష్ణ నటిస్తున్న సినిమాలో హీరోయిన్ గా కాజల్ పేరు తెరపైకి వచ్చింది. బాలయ్యతో జోడికి కాజల్ గ్రీన్ సిగ్నల్ ఇచ్చిందట. అంతే కాదు త్వరలో చిరు నటించబోయే కొత్త సినిమాలోనూ కాజల్ ను హీరోయిన్‌గా అనుకుంటున్నారట.
అయితే ఈ రెండు చిత్రాల్లో నటించేందుకు కాజల్ పెడుతున్న కండీషన్ ఒకటే.
అదే మూడు కోట్ల పారితోషికం. ఇండియన్ 2 సినిమా కోసం ఇంచుమించు ఇదే స్థాయిలో రెమ్యూనరేషన్ తీసుకుంటోందట కాజల్. అందుకే ఇప్పుడు చిరు, బాలయ్య చిత్రాలకు అదే స్థాయిలో పారితోషికం డిమాండ్ చేస్తోందట.
మొత్తంగా కమ్ బ్యాక్ స్ట్రాంగ్ గా ఉండాలని ఫిక్స్ అయింది చందమామ.