మరోసారి స్పైడర్ కాంబినేషన్? ఈసారి డాన్ కు అవకాశం?
By KTV Telugu On 3 February, 2023
మళ్లీ స్పైడర్ కాంబినేషన్ అనగానే ముందుకు సూపర్ స్టార్ మహేష్ బాబు ఫ్యాన్స్ కాస్త టెన్షన్ పడతారు.
కాని ప్రిన్స్ ఫ్యాన్స్ అలాంటి టెన్షన్ పడాల్సిన పనిలేదు. ఎందుకంటే స్పైడర్ కాంబినేషన్ అనగానే
దర్శకుడు హీరోనే కావాల్సిన పనిలేదు. దర్శకుడు, నిర్మాతలు కూడా కలసి పని చేయవచ్చు.
మురుగదాస్ న్యూ మూవీని స్పైడర్ నిర్మించిన తిరుపతి ప్రసాద్, బి. మధు లే మరోసారి కొత్త చిత్రాన్ని ప్లాన్ చేయడం విశేషం. బహుశా ఎక్కడైతే తప్పు జరిగిందో ఏ నిర్మాత అయితే తన వల్ల భారీగా నష్టపోయాడో
అక్కడి నుంచే నూతన ఆరంభాన్ని మొదలు పెట్టాలి అనుకుంటున్నాడు మురుగదాస్.
అందుకే స్పైడర్ నిర్మాతలతోనే తిరిగి కొత్త జర్నీ స్టార్ట్ చేయాలనుకుంటున్నాడు ఈ స్టార్ డైరెక్టర్.
2020లో మురగదాస్ దర్శకత్వంలో వచ్చిన దర్బార్ మూవీ కూడా తీవ్ర నిరుత్సాహపరిచింది.
ఈ దశలో మూడేళ్లు గ్యాప్ తీసుకుని మురగదాస్ ఇప్పుడు కొత్త సినిమాతో తిరిగి వచ్చేందుకు ప్రయత్నాలు ప్రారంభిస్తున్నాడు. అందులో భాగంగా తమిళ హీరో శివకార్తికేయన్ తో భారీ చిత్రం తెరకెక్కించేందుకు సిద్ధమవుతున్నాడు. తమిళనాడులో ఈ యంగ్ హీరో ఇప్పుడు మోస్ట్ వాంటెడ్ హీరోగా మారాడు.
ముందు డాన్ తర్వాత డాక్టర్ చిత్రాలతో దుమ్మురేపాడు. ఇటీవల ప్రిన్స్ మూవీతో తెలుగు ప్రేక్షకులను సైతం పలకరించాడు. ఇప్పుడు మురుగదాస్ తో మూవీ తో టోటల్ సౌత్ మార్కెట్ పై దృష్టి పెట్టినట్లు కనిపిస్తోంది.
మురగదాస్ కనుక ఫామ్ లోకి వస్తే కోలీవుడ్ బాక్సాఫీస్ ఏ రేంజ్ లో షేక్ అవుతుందో గతంలో విడుదలైన రమణ, కత్తి, సర్కార్ లాంటి చిత్రాలు చెప్పకనే చెప్పాయి. ఈ దశలో మురగదాస్ కొత్త సినిమాపై సహజంగానే అంచనాలు ఉన్నాయి.