ఘోస్ట్ ను గుర్తు చేసిన లియో.. దసరా పండక్కి వస్తున్న విజయ్
By KTV Telugu On 5 February, 2023
వారసుడు తర్వాత విజయ్ నటిస్తున్న కొత్త సినిమాకు పేరు ఖరారు అయింది. మూవీకి లియో అనే టైటిల్ ఫిక్స్ చేసాడు దర్శకుడు లోకేష్ కనగరాజ్. లోకేష్ యూనివర్స్ లోని ఢిల్లీ, విక్రమ్, రోలెక్స్ క్యారెక్టర్స్ కు ఈ లియో క్యారెక్టర్ కు లింక్ ఉంది. అందుకే ఈ సినిమాపై ఈ స్థాయిలో అంచనాలు ఉన్నాయి. అయితే ఈ సినిమా టైటిల్ వీడియో మాత్రం పూర్తిగా నిరాశపరిచింది. ఎందుకంటే లియో టైటిల్ వీడియో పూర్తిగా విక్రమ్ ను టైటిల్ వీడియోను గుర్తు చేయడం మాత్రమే కాదు నాగార్జున నటించిన ది ఘోస్ట్ మూవీ తమంగనే వీడియోను గుర్తు చేసింది. దాంతో లియో టైటిల్ వీడియో పై పెదవి విరిచారు నెటిజన్స్. మరోవైపు ఈ మూవీని దసరా పండక్కి అంటే అక్టోబర్ 19న ప్యాన్ ఇండియా వైడ్ గా రిలీజ్ కు ప్రయత్నాలు జరుగుతున్నాయి. సంక్రాంతికి వచ్చిన వారసుడు యావరేజ్ మువీగా నిలిచింది. ఈ దశలో లియోతో బ్లాక్ బస్టర్ కొట్టాలని కసిగా ఉన్నాడు తమిళ హీరో విజయ్. అయితే దసరా సీజన్ అంటే టాలీవుడ్ లో లియో మూవీకి మరోసారి ఇబ్బందలు తప్పేలే లేవు. ఎందుకంటే ఆ సమయంలో పవర్ స్టార్ నటిస్తున్న హరి హర వీరమల్లు, అలాగే త్రివిక్రమ్ దర్శకత్వంలో మహేష్ బాబు నటిస్తున్న మూవీ కూడా ఇదే టైమ్ లో ప్రేక్షకుల ముందుకు రానున్నాయి. అదే జరిగితే విజయ్ కు మరోసారి టాలీవుడ్ లో థియేటర్స్ లో దొరకడం కష్టం.