ఏజెంట్ భారీ సాహసం.. ఆశ్చర్యపోతున్న అఖిల్ ఫ్యాన్స్
By KTV Telugu On 5 February, 2023
మోస్ట్ ఎలిజిబుల్ బ్యాచిలర్ విజయం తర్వాత అఖిల్ ఏకంగా పాన్ ఇండియా ప్రాజెక్ట్ స్టార్ట్ చేసాడు అదే ఏజెంట్.
స్టైలిష్ డైరెక్టర్ సురేందర్ రెడ్డి తెరకెక్కిస్తున్న సినిమా ఇది. గత ఏడాది ఆగస్ట్ లో రిలీజ్ కావాల్సిన మూవీ.
వాయిదాల మీద వాయిదాలు పడతూ ఇప్పుడు ఏప్రిల్ 28న ఫైనల్ గా థియేటర్స్ కు వస్తున్నట్లు ప్రకటించారు.
అయితే ఇదే డేట్ కు మరో పాన్ ఇండియా ఫిల్మ్ పొన్నియిన్ సెల్వన్ -2 రిలీజ్ అవుతోంది.
మొదటి భాగం సంచలన విజయం సాధించడం రెండో భాగంపై పాన్ ఇండియా వైడ్ గా భారీ అంచనాలు ఉండటంతో
ఇలాంటి ప్రెస్టీజీయస్ ప్రాజెక్ట్ తో అఖిల్ ఏజెంట్ రూపంలో తలపడాలి అనుకోవడం అందర్నీ ఆశ్చర్యపరుస్తోంది.
అయితే వక్కంతం వంశీ రాసిన స్టోరీ సురేందర్ రెడ్డి మేకింగ్ పై ఉన్న కాన్ఫిడెన్స్ తో
ఈ సినిమాను పాన్ ఇండియా వైడ్ గా ఏప్రిల్ 28న రిలీజ్ చేసేందుకు నిర్మాత రామబ్రహ్మం సుంకర సాహసం చేస్తున్నాడు. హిప్ హాప్ తమిళ సంగీతాన్ని అందించాడు. సాక్షి వైద్య హీరోయిన్ గా నటిస్తోంది. మాలీవుడ్ సూపర్ స్టార్ మమ్ముట్టి కీలకపాత్రలో కనిపించడం మరో ప్లస్ పాయింట్. మమ్ముట్టి ఎంట్రీతో మాలీవుడ్ లో కూడా ఈ మూవీకి బంపర్ వసూళ్లు ఖాయం. టాలీవుడ్ బాలీవుడ్ మాలీవుడ్ ఓపెనింగ్ సంగతి పక్కన పెడితే కోలీవుడ్ లో మాత్రం ఏజెంట్ కు కష్టాలు తప్పవు. ఎందుకంటే పొన్నియిన్ సెల్వన్ 1 తమిళనాట ఇండస్ట్రీ హిట్ గా నిలిచింది. తమిళులకు విపరీతంగా నచ్చింది. దాంతో పార్ట్ 2 బాహుబలి 2 రేంజ్ లో కోలీవుడ్ లో వసూళ్లను కలెక్ట్ చేస్తుందని అంచనాలు ఉన్నాయి. ఈదశలో అక్కడ ఏజెంట్ కు ఎన్ని స్క్రీన్స్ లభిస్తాయి అనేకి కూడా అనుమానమే.