మరోసారి మెగా హీరోతోనే బాబి ఫిల్మ్ ?
By KTV Telugu On 6 February, 2023
ఫస్ట్ పవన్ కళ్యాణ్ తో సర్దార్ గబ్బర్ సింగ్ తీసాడు. ఈ సినిమా ఫెయిల్ అయింది.
అయితే రీసెంట్ గా సంక్రాంతికి చిరుతో వాల్తేరు వీరయ్య సినిమా తెరకెక్కించాడు.
సీన్ కట్ చేస్తే ఈ మూవీ బ్లాక్ బస్టర్ అయింది. చిరు కెరీర్ లోనే బిగ్ హిట్ అని ఇండస్ట్రీ వర్గాలు చెప్పుకొచ్చాయి.
ఇప్పుడు ఇదంతా ఎందుకంటే ఇంతపెద్ద బ్లాక్ బస్టర్ వచ్చిన తర్వాత బాబి లాంటి దర్శకుడు మరో స్టార్ హీరోతో
వర్క్ చేసేందుకు ఇంట్రెస్ట్ చూపిస్తాడు. కాని బాబి తీరు వేరుగా ఉంది.
ఇమిడియెట్ గా సుప్రీమ్ హీరో సాయి ధరమ్ తేజ్ తో మూవీ లాక్ చేసుకున్నాడని తెలుస్తోంది.
మొత్తంగా మెగా కాంపౌండ్ లో బిజీగా ఉండాలని ఫిక్స్ అయ్యాడు బాబి.
ఛాన్స్ ఇస్తే సర్దార్ గబ్బర్ సింగ్ కు కూడా రిపేర్లు చేసి మళ్లీ రీ రిలీజ్ చేస్తానంటున్నాడు.
అంత కాన్ఫిడెంట్ గా ఉన్నాడు. మెగాభిమానుల పల్స్ బాగా తెల్సుకున్నాడు.
అయితే ఇప్పటికిప్పుడు ఈ చిత్రం పట్టాలెక్కే అవకాశాలు తక్కువ.
ఎందుకంటే సాయి ధరమ్ తేజ్ ప్రస్తుతం విరూపాక్ష షూటింగ్ లో బిజీగా ఉన్నాడు.
అలాగే పవన్ కళ్యాణ్ తో వినోదయ సిత్తం తెలుగు రీమేక్ లో నటిస్తున్నాడు.
ఈ రెండు సినిమాలు పూర్తైన తర్వాతే బాబితో మూవీ పట్టాలెక్కే అవకాశం ఉంది.
బాబితో బాలయ్య కాంబినేషన్ లో ఒక మూవీ చేయాలని మైత్రీ మూవీ మేకర్స్ ప్లాన్ చేస్తోంది.
ఈ మూవీ ఎప్పుడు పట్టాలెక్కుతుంది అనేది చూడాల్సి ఉంది.