ఎన్టీఆర్ అభిమానులకో విన్నపం.. దయచేసి అప్ డేట్ అడగవద్దు!
By KTV Telugu On 6 February, 2023
తెల్లారి లేస్తే సోషల్ మీడియాలో గ్రూపులు కట్టి ఏ రోజుకు ఆ రోజు తమ హీరోకు సంబంధించిన అప్ డేట్ ఉంటే
వేలకు వేల ట్వీట్లు రీట్వీట్లకు చేసుకుంటూ అప్పోనెంట్ హీరో ఫ్యాన్స్ ను ఉడికిస్తూ రోజులు గడిపేస్తుంటారు.
ఒక్క స్టార్ హీరోలకు మాత్రమే ఇలాంటి అభిమానులు ఉంటారు. కొన్ని సార్లు వారి ఉత్సాహం హీరోలకు అమితానందాన్ని ఇస్తే మరోసారి చిరాకు పరుస్తుంది. ఎన్టీఆర్ 30 పై అప్ డేట్ కోసం పట్టుబడుతున్నారు. ఇలాంటి అప్ డేట్ అడగవద్దని
ఒక వేళ సినిమాకు సంబంధించిన మంచి అప్ డేట్ ఏదైనా ఉంటే ముందు అభిమానులతోనే పంచుకుంటామని
ఈలోపే అప్ డేట్ అప్ డేట్ అంటూ అభిమానులు సోషల్ మీడియాను షేక్ చేయడంతో యూనిట్ అంతా హడావుడి పడుతోందని దర్శకనిర్మాతలు గందరగోళ పరిస్థితులను ఎదుర్కొంటున్నారని ఒత్తిడిని అనుభవిస్తున్నారని ఎన్టీఆర్ చెప్పుకొచ్చాడు. ఇది తన ఒక్కడి అభిప్రాయం మాత్రమే కాదని మిగితా హీరోల పరిస్థితి ఇదేనంటూ అమిగోస్ ప్రీ రిలీజ్ ఈవెంట్ లో చెప్పుకొచ్చాడు. పనిలో పనిగా కొత్త సినిమా అప్ డేట్ ఇచ్చాడు. ఇదే నెలలో సినిమాను ఘనంగా ప్రారంభించి మార్చిలో షూటింగ్ ప్రారంభించి వచ్చే ఏడాది ఏప్రిల్ కు విడుదల చేస్తామని భీమ్ మాట ఇచ్చాడు.
మరోవైపు ప్రసిద్ధ తమిళ దర్శకుడు వెట్రీమారన్ తో తారక్, ధనుష్ కాంబినేషన్ లో మల్టీస్టారర్ తెరకెక్కనుందని
ఈ మధ్యే ప్రచారం మొదలైంది. రెండు భాగాలుగా తెరకెక్కే ఈ చిత్రంలో మొదటి భాగంలో తారక్ అలాగే రెండో భాగంలో ధనుష్ నటిస్తాడని టాక్.