యావరేజ్ మూవీ అన్నారు.. కట్ చేస్తే కెరీర్ బిగ్ హిట్ ఫిల్మ్ అయింది.
By KTV Telugu On 7 February, 2023
సంక్రాంతి బరిలో నిలిచిన చిత్రాల్లో విజయ్ నటించిన వారీసు ఒకటి. తెలుగులో ఈ సినిమాను వారసుడిగా రిలీజ్ చేసాడు దిల్ రాజు. హిందీలో సైతం విడుదలైంది. మొత్తంగా 25 రోజులకు పైగా వారీసు కలెక్షన్లు చూసుకుంటే ఇప్పుడు 300 కోట్లు దాటాయి. ఈ వసూళ్లు విజయ్ కెరీర్‌లోనే అత్యఅధికం. గతంలో బిగిల్ సినిమా బ్లాక్ బస్టర్ టాక్ తెచ్చుకున్నప్పటికీ 300 కోట్ల క్లబ్ చేరకముందే రన్ ముగిసింది. కాని వారీసు అలా కాదు 300 కోట్లు దాటి వసూళ్లను అందుకునే అవకాశాలు కనిపిస్తున్నాయి. అందుకే ఈ చిత్రాన్ని తమిళనాడు సినిమా పండితులు విజయ్ కెరీర్ లోనే బిగ్గెస్ట్ హిట్ గా చెప్పుకొస్తున్నారు. నిజానికి సంక్రాంతి రిలీజైన చిత్రాల్లో వారీసు కూడా మిగితా చిత్రాల దారిలోనే యావరేజ్ టాక్ తెచ్చుకుంది. కాని మిగితా సినిమా వసూళ్ల దారిలోనే వారీసు కూడా భారీ వసూళ్లను కొల్లగొడుతూ దూసుకుపోయింది.
ఈ సంగతి ఇలా ఉంటే వారీసుకు పోటీగా రిలీజైన తునీవు కూడా వరల్డ్ వైడ్ గా 250 కోట్ల వసూళ్లను దాటింది.
ఈ కలెక్షన్లు కూడా అజిత్ కెరీర్ లో హైయ్యెస్ట్ అట. మొత్తంగా సంక్రాంతి పండక్కి తమిళ సినీ పరిశ్రమ 550 కోట్లకు పైగానే వ్యాపారం చేసింది. ప్రస్తుతం లోకేష్ కనగరాజ్ మేకింగ్ లో లియో అనే సినిమా చేస్తున్నాడు విజయ్. ఈ చిత్రం తర్వాత మరోసారి అట్లీతో మూవీచేసేందుకు సిద్ధమవుతున్నాడు. అట్లి, విజయ్ కాంబినేషన్ లో వచ్చిన ప్రతి సినిమా బ్లాక్ బస్టర్ గా నిలిచింది. తేరీ, అదిరింది, బిగిల్ ఇప్పుడు నాల్గవసారి ఈ కాంబినేషన్ లో సెప్టెంబర్ నుంచే మూవీ పట్టాలెక్కనుందట.