కృష్ణగాడి వీర ప్రేమగాథ కాంబో రిపీట్స్ కన్ ఫామ్ చేసిన హను
By KTV Telugu On 15 February, 2023
కొన్ని కాంబినేషన్ లో సినిమా వస్తుంది అంటే అంచనాలు మరో విధంగా ఉంటాయి.
ఆ సినిమా ఎప్పుడు రిలీజ్ అవుతుందా అనే ఆశక్తి కనిపిస్తుంది. సరిగ్గా అలాంటి కాంబినేషన్ ఒకటి సెట్ అవుతోంది.
హను రాఘవపూడి మేకింగ్ లో నేచురల్ స్టార్ నాని నటించబోతున్న సినిమా ఇది. నేచురల్ స్టార్ తో తాను సినిమా చేయబోతున్న విషయాన్ని సోషల్ మీడియా ఎకౌంట్స్ లో డీపీ మార్చి చెప్పాడు హను.
లాస్ట్ సీతారామం చిత్రంతో పాన్ ఇండియా బ్లాక్ బస్టర్ అందుకున్నాడు హనురాఘవపూడి.
నిజానికి సీతారామం సబ్జెక్ట్ ను నాని కోసమే రాసుకుని ఏళ్లకు ఏళ్లు ఎదురు చూసాడు హనురాఘవపూడి.
అయితే నాని నుంచి రిప్లై రాకపోవడంతో నిర్మాత అశ్వినీదత్ సూచనతో మాలీవుడ్ యాక్టర్ దుల్కర్ తో ఈ మూవీని తెరకెక్కించాడు. ఇప్పుడు మాత్రం నానితో మూవీ చేసేందుకు సిద్ధమవుతున్నాడు.
ఆ మధ్య బాలీవుడ్ వెళ్తున్నాడని ప్రచారం సాగినప్పటికీ హను ఇంట్రెస్ట్ మాత్రం టాలీవుడ్ పైనే ఉన్నట్లు కనిపిస్తోంది.
అయితే నాని ఇప్పటికిప్పుడు ఈ సినిమాను పట్టాలెక్కించే అవకాశాలు లేవు. ప్రస్తుతం దసరా రిలీజ్ కు రెడీ అవుతోంది.
ఆ తర్వాత మరో కొత్త సినిమా పట్టాలెక్కనుంది. హిట్ -3 కూడా లైన్ లో ఉంది. ఇవన్ని దాటుకుని హను వంతు ఎప్పటికి వస్తుందో చూడాలి.