మహేష్ మూవీలో ఆమిర్ ఖాన్.. రాజమౌళి గ్రీన్ సిగ్నల్
By KTV Telugu On 22 February, 2023
రాజమౌళి త్రిబుల్ ఆర్ ను తెరకెక్కించినప్పుడు ఒక ఫార్మాట్ ను ఫాలో అయ్యాడు.
రామ్ చరణ్ తారక్ ను కలయికలో మెగా మల్టీస్టారర్ తెరకెక్కించాడు.
ప్రస్తుతం ఈ చిత్రం ఆస్కార్ బరిలో నిలిచింది. ఇప్పుడు సేమ్ ఫార్మాట్ ను
కొత్త సినిమాకు అప్లై చేయనున్నాడా అంటే నిజం అనే అంటున్నాయి బాలీవుడ్ వర్గాలు.
రాజమౌళి తెరకెక్కించబోయే యాక్షన్ అడ్వెంచర్ మూవీలో సూపర్ స్టార్ మహేష్ బాబు తో పాటు
ఆమిర్ ఖాన్ కూడా నటించనున్నాడట. ఇది ఎంతవరకు నిజం అనేది తెలియదు కాని
ఒక వేళ నిజమైతే మాత్రం రాజమౌళి సెన్సేషన్ కు రెడీ అవుతున్నట్లే లెక్క.
మహేష్ మూవీలో ఆమిర్ ఖాన్ ఎంట్రీతో ఒకేసారి రెండు కీలకమైన మార్కెట్స్ ను కొల్లగొట్టవచ్చు అనేది
రాజమౌళి ప్లాన్. అది బాలీవుడ్, మరొకటి చైనా. చైనాలో ఆమిర్ ఖాన్ చాలా ఫ్యాన్ ఫాలోయింగ్ ఉంది.
సీక్రెట్ సూపర్ స్టార్, దంగల్ లాంటి సినిమాలు అక్కడ సంచలన విజయాలను అందుకున్నాయి.
గతంలో ప్రశాంత్ నీల్, తారక్ కాంబినేషన్ లో తెరకెక్కే చిత్రంలో సైతం ఆమిర్ ఖాన్ నటించనున్నట్లు వార్తలు వినిపించిన సంగతి తెలిసిందే.