ఎన్టీఆర్ ఫ్యాన్స్ కు మరో షాక్
By KTV Telugu On 1 March, 2023
త్రిబుల్ ఆర్ తర్వాత ఎన్టీఆర్ నటించే చిత్రం కోసం ఫ్యాన్స్ ఎంతగా అయితే ఎదురు చూస్తున్నారో
అంతకంతా ఈ సినిమా ఆలస్యం అవుతూ వస్తోంది. గత ఏడాది ప్రారంభం కావాల్సిన సినిమా ఇది.
కాని ఆచార్య డిజాస్టర్ కావడంతో కొరటాల ఎన్టీఆర్ తో తెరకెక్కించాల్సిన సినిమా కథను పక్కాగా సిద్దం చేసేందుకు
సాధ్యమైనంత ఎక్కువ సమయం తీసుకుంటున్నాడు. దాంతో 2022 గడిచిపోయింది.
ఈ ఏడాది ఫిబ్రవరిలో షూటింగ్ ప్రారంభించి మార్చిలో రెగ్యూలర్ షూటింగ్ స్టార్ట్ చేసి
వచ్చే ఏడాది ఏప్రిల్ 5న మూవీని రిలీజ్ చేయనున్నట్లు అమిగోస్ ప్రీ రిలీజ్ ఈవెంట్ లో ఎన్టీఆర్ చెప్పుకొచ్చాడు.
ఇప్పుడు ఆ మాట తప్పబోతున్నాడని ఈ సినిమాను మార్చిలో ప్రారంభించి
ఏప్రిల్ నుంచి రెగ్యూలర్ షూటింగ్ స్టార్ట్ చేస్తారట.
నెలల కొద్ది ఈ సినిమాను పోస్ట్ పోన్ చేస్తుండటం హాట్ టాపిక్ గా మారింది.
జాన్వీ కపూర్ హీరోయిన్ గా నటించనుందని ప్రచారం సాగుతోన్న ఈ సినిమాకు
అనిరుథ్ సంగీతాన్ని అందిస్తున్నాడు. సైఫ్ అలీ ఖాన్ విలన్ గా నటించే అవకాశాలు ఉన్నాయి.