ఎన్టీఆర్ 30లో నటించేందుకు టాలీవుడ్ కు వస్తున్న బాలీవుడ్ బ్యూటీ
By KTV Telugu On 3 March, 2023
యంగ్ టైగర్ అభిమానులు మైండ్ బ్లాక్ అయ్యే అప్ డేట్ రానుంది. తారక్ నటించే కొత్త చిత్రం భారీ స్థాయిలో ఉండనుంది. ఆ విషయాన్ని కొరటాల ఎనౌన్స్ మెంట్ వీడియోతోనే చెప్పాడు. ఇప్పుడు ఈ సినిమాలో నటించే హీరోయిన్ అప్ డేట్ ను కూడా భారీ ఎత్తున రివీల్ చేయనున్నారట. ఎన్టీఆర్ 30లో నటించేందుకు బాలీవుడ్ నుంచి జాన్వీ కపూర్ వస్తోంది. ఆమె సినిమాలో నటిస్తోందనే విషయాన్ని చిత్ర యూనిట్ స్పెషల్ వీడియో రూపంలో విడుదల చేయనుందట.
గత నెల జాన్వి కపూర్ పై కొరటాల అండ్ టీమ్ లుక్ టెస్ట్ నిర్వహించారు. సినిమాలో క్యారెక్టర్ కు ఆమె పర్ఫెక్ట్ గా సూట్ అయినట్లు సమాచారం. అందుకే ఇప్పుడు మార్చి 6న జాన్వీ కపూర్ పుట్టిన రోజున బర్త్ డే టీజర్ రిలీజ్ చేయనున్నారట.
అదే నిజమైతే జాన్వీకపూర్ టాలీవుడ్ ఫ్యాన్స్ కు పండగే. ఇదే నెల 18న సినిమాను ఘనంగా ప్రారంభించి
వచ్చే నెల నుంచి షూటింగ్ ప్రారంభించబోతున్నారట. భారీ బడ్జెట్ తో తెరకెక్కుతున్న ఎన్టీఆర్ 30 కి అనిరుథ్ సంగీతాన్ని అందిస్తున్న సంగతి తెలిసిందే.