పవన్ కళ్యాణ్ జెట్ స్పీడ్
By KTV Telugu On 7 March, 2023
గబ్బర్ సింగ్ కాంబినేషన్ లో సినిమా అంటే మామూలుగా ఉండదు.
పైగా తమిళంలో సూపర్ హిట్టైన తేరి సినిమాకు అఫీసియల్ తెలుగు రీమేక్.
ఈ రీమేక్ కోసం హరీష్ శంకర్ ఎన్నోఏళ్లుగా ఎదురు చూస్తున్నాడు.
ఎట్టకేలకు ఆ ఎదురు చూపులు ఫలించాయి. ఏప్రిల్ 5 నుంచి 15 వరకు హరీష్ శంకర్ కు
పవన్ కళ్యాణ్ డేట్స్ ఇచ్చాడు. ఈ పది రోజుల్లో ఉస్తాద్ భగత్ సింగ్ సినిమా పట్టాలెక్కించాలి.
ఏప్రిల్ 5లోపు వినోయద రీమేక్ కంప్లీట్ చేయాలని పవన్ టార్గెట్ గా పెట్టుకున్నాడు.
ఇక హరీష్ శంకర్ మూవీ సంగతి చూస్తే ఈ మూవీలో హీరోయిన్ గా శ్రీలీల నటించనుంది.
దేవిశ్రీ ప్రసాద్ సంగీతాన్ని అందించబోతున్నాడు. తమిళంలో వచ్చిన తేరి కథను
మరో దర్శకుడు దశరథ్ తో కలసిమార్పులు చేర్పులు చేసాడు హరీష్.
వచ్చే ఏడాది సంక్రాంతికి ఈ మూవీని రిలీజ్ చేయాలని హరీష్ టార్గెట్ గా పెట్టుకున్నాడు.
తెలుగునాట వరుస విజయాలతో సంచలనాలకు మారు పేరుగా మారిన మైత్రీ మూవీ మేకర్స్ ఈ మూవీని నిర్మిస్తోంది.
ఏప్రిల్ చివరివారంలో మాత్రం సుజిత్ మూవీకి డేట్స్ అందించనున్నాడట పవన్.