మహానటి మ్యారేజ్ పై మళ్లీ మొదలైన రూమర్లు
By KTV Telugu On 12 March, 2023
మహానటి సినిమా తర్వాత వరుస పెట్టి ఉమెన్ సెంట్రిక్ మూవీస్ లో నటించింది కీర్తి సురేష్.
ఆ తర్వాత పెద్ద చిత్రాలేవి లేవు. సూపర్ స్టార్ రజనీకాంత్ కు సిస్టర్ గా పెద్దన్న
మరో సూపర్ స్టార్ మహేష్ కు జోడిగా సర్కారు వారి పాట చేసింది.
ఈ రెండు సినిమాలు కూడా భారీ వసూళ్లనే అందుకున్నాయి.
కాని కీర్తికి మాత్రం ఏం కలసి రాలేదు. ఈ రెండు సినిమాలకు ముందు కీర్తి సిచ్యువేషన్ ఏంటో
ఇప్పుడు అలాగే ఉంది. ఏడాది క్రితం ఒప్పుకున్న భోళశంకర్, దసరా సినిమాలు,
ఈ ఏడాదిలో విడుదల కానున్నాయి. ఇవి కాకుండా కీర్తి చేతిలో మరో మూడు నాలుగు చిన్న చిత్రాలు ఉన్నాయి.
కోలీవుడ్ లో మరోసారి కీర్తి సురేష్ మ్యారేజ్ పై రూమర్లు మొదలయ్యాయి.
ఈ ఏడాది చివర్లో కీర్తి సురేష్ పెళ్లి పీటలెక్కనుందట అందుకే కొత్త సినిమాలు ఒప్పుకోవడం లేదని సమాచారం.
గతంలోనూ కీర్తి సురేష్ పై ఇలాంటి పెళ్లి రూమర్లు వచ్చాయి. ఒక సారి తమిళ కమెడియన్ తో ప్రేమలో ఉందని
మరోసారి అనిరుథ్ తో లవ్ ఎఫైర్ ఉందని ఇంకో సారి చిన్న నాటి స్నేహితుడినే త్వరలో పెళ్లి చేసుకోనుందని
ఇలా కీర్తిపై ఇప్పటికే చాలా సార్లు రూమర్లు వచ్చాయి. మ్యారేజ్ పై ఎప్పుడు రూమర్స్ వచ్చినా కీర్తి సైలెంట్ గా ఉంటుంది.
ఇప్పుడు కూడా అదే చేస్తోంది. కీర్తి సురేష్ కొత్త చిత్రం దసరా మార్చి 30న పాన్ ఇండియా మార్కెట్ లో రిలీజ్ అవుతోంది.