సలార్ లో రాఖీ భాయ్ నటిస్తున్నాడా లేదా
By KTV Telugu On 15 March, 2023
కేజీయఫ్ -2 తర్వాత ప్రశాంత్ నీల్ తెరకెక్కిస్తున్న సినిమా సలార్. ఈ ప్రాజెక్ట్ పై ఆల్రెడీ భారీ అంచనాలు ఉన్నాయి.
అందుకారణం ఇండియాలోనే అతిపెద్ద బ్లాక్ బస్టర్ బాహుబలిని అందించిన ప్రభాస్ కేజీయఫ్ సిరీస్ తో అదే స్థాయిలో వసూళ్లను కొల్లగొట్టిన ప్రశాంత్ నీల్ కలసి సలార్ ను ప్రేక్షకుల ముందుకు తీసుకొస్తున్నారు. సెప్టెంబర్ లో రిలీజ్ కు రెడీ అవుతున్నఈ మూవీ ఇప్పటికే చాలా భాగం షూటింగ్ పూర్తి చేసుకుంది. ప్రభాస్ ను గతంలో ఎన్నడూ చూడని రూపంలో
సలార్ గా ఆవిష్కరిస్తున్నాడు ప్రశాంత్. ఈ కాంబినేషన్ పైనే ఆకాశమే హద్దుగా అంచనాలు ఉంటే అంతకు మించి రాఖీభాయ్ కూడా కనిపించబోతున్నాడని కొద్ది రోజులుగా రూమర్ వినిపిస్తున్న సంగతి తెలిసిందే. అదే జరిగితే రాఖీభాయ్ సలార్ భాయ్ లను ఒకే ఫ్రేమ్ లో చూసేందుకు కేజీయఫ్ ఫ్యాన్స్ కొట్టుకోవడం ఖాయం బాక్సాఫీస్ అనేది నామరూపాలు లేకుండా పోవడం అంతకంటే ఖాయం. అయితే ఈ రూమర్ ఎంతైతే ఎగ్జైట్ మెంట్ కలిగించిందో ఇప్పుడు అంతకంతా డిజప్పాయింట్ చేస్తోంది. ప్రశాంత్ కు అసలు అలాంటి ఆలోచన లేదట. సలార్ చివర్లో కేవలం కొద్ది సెకండ్ల పాటు కేజీయఫ్ 3 గురించి లీడ్ ఇస్తాడట అంతకు మించి సలార్, రాఖీభాయ్ ఒకే ఫ్రేమ్ లో కనిపించే అవకాశాలే లేవట.
ఈ విషయాన్ని శాండల్ వుడ్ కన్ ఫామ్ చేస్తోంది.