చందూ మొండేటికి భారీ బాలీవుడ్ ఆఫర్
By KTV Telugu On 2 October, 2022
*చందూకు బాలీవుడ్ లో బంపర్ ఆఫర్
*జీవితాన్ని మార్చేసిన కార్తికేయ -2
*కండీషన్స్ అప్లై అంటున్న గీతా ఆర్ట్స్
చందూ మొండేటి తన పేరుకు కార్తికేయ పేరును కూడా కలుపుకునే సమయం వచ్చేనట్లుంది. ఎందుకుంటే కార్తికేయ-1తో తెలుగు ప్రేక్షకులకు పరిచయం అయ్యాడు చందూ. ఈ మధ్యే కార్తికేయ 2తో హిందీ ఆడియెన్స్ కు కూడా కనెక్ట్ అయ్యాడు.
ఎలాంటి అంచనాలు లేకుండా రిలీజైన కార్తికేయ2 తెలుగు, హిందీ భాషల్లో సంచలన విజయం సాధించింది. దాంతో ఇప్పుడు చందూ మోస్ట్ వాంటెడ్ డైరెక్టర్ గా మారాడు. ఒక వైపు తెలుగు హీరోలు , మరో వైపు హిందీ హీరోలు చందూ దర్శకత్వంలో నటించేందుకు ఉత్సాహంగా ఉన్నారు. కార్తికేయ-2 నార్త్ మార్కెట్ లో 30 కోట్లకు పైగా రాబట్టింది. దాంతో చందూ మొండేటి మేకింగ్ లో నటించేందుకు బాలీవుడ్ హీరోలు బాగానే పోటీ పడుతున్నట్లు సమాచారం. మొన్నటి మొన్న హృతిక్ రోషన్ ను చందూ డైరెక్ట్ చేయనున్నాడని ప్రచారం సాగింది. ఇప్పుడు మరో యంగ్ హీరో కార్తిక్ ఆర్యన్ పేరు వినిపిస్తోంది. ఈ ఏడాది బాలీవుడ్ లో విజయాలు తక్కువ. స్టార్ హీరోలు అందరూ బాక్సాఫీస్ దగ్గర ఫెయిల్ అయ్యారు. కార్తిక్ ఆర్యన్ మాత్రం భూల్ భూలయ్య సీక్వెల్ తో 180 కోట్లు కొల్లగొట్టి జూనియర్ షారుఖ్ ఇమేజ్ అందుకున్నాడు. ఇప్పుడు ఈ హీరో చందూతో సినిమా చేసేందుకు చర్చలు జరుపుతున్నాడు. త్వరలోనే వీరిద్దరి కాంబినేషన్ లో సినిమా ఎనౌన్స్ మెంట్ రానుందని తెలుస్తోంది. కార్తిక్ కంటే ముందు చందూ గీతా ఆర్ట్స్ లో ఒక సినిమా చేయాల్సి ఉంది. ఈ మూవీ తర్వాతే చందూ బాలీవుడ్ ప్రాజెక్ట్ స్టార్ట్ అవుతుంది.ఆ తర్వాతే కార్తికేయ 3 స్టార్ట్ అయ్యే అవకాశాలు ఉన్నాయి. కార్తికేయ 3తో ప్యాన్ ఇంటర్నేషనల్ మార్కెట్ లోకి అడుగుపెడుతున్నాడు చందూ మొండేటి.