అక్టోబర్ 10న ఏం జరగబోతోంది?
By KTV Telugu On 8 October, 2022
ఆ రోజు తారక్ తేల్చేస్తాడా?
కొరటాల కథకు క్లైమాక్స్ పడనుందా?
RRR తర్వాత తారక్ చేయాల్సిన సినిమా పై క్లారిటీ వచ్చినట్లే కనిపిస్తోంది. కొరటాలతో జూనియర్ స్టార్ట్ చేయాల్సిన కొత్త సినిమా ముహూర్తం ఎప్పుడూ అని అందరూ ఈగర్ గా వెయిట్ చేస్తున్నారు. ఆచార్య ఫలితం కొరటాలను గట్టి షాక్ ను ఇచ్చింది. కోలుకోలేని విధంగా దెబ్బతీసింది. ఈ నేపథ్యంలో తారక్ తో కొరటాల చేయాల్సిన మూవీ పై చాలా రూమర్స్ వస్తున్నాయి. అసలు తారక్ స్టార్ డమ్ ను కొరటాల డీల్ చేయగలడా అనే ప్రచారం మొదలైంది. ఒక దశలో వీరి కాంబినేషన్ లోరావాల్సిన సినిమా ఆగిపోయిందంటూ ప్రచారం కూడా మొదలైంది. కొరటాల కాని, తారక్ కాని తొందర పడలేదు. రూమర్స్ పై స్పందించలేదు. ఇప్పుడు ఈ ప్రాజెక్ట్ కు లైన్ క్లియర్ అయినట్లు, కొరటాల రాసిన కథకు తారక్ ఫిదా అయినట్లు తెలుస్తోంది. అక్టోబర్ 10న షూటింగ్ ఎప్పుడు స్టార్ట్ చేయబోతున్నది ప్రొడ్యూసర్ కళ్యాణ్ రామ్ క్లారిటీ ఇవ్వనున్నాడట. తారక్ స్టూడెంట్ లీడర్ గా నటించే ఈ చిత్రంలో రష్మికను హీరోయిన్ గా అనుకుంటున్నారట. అక్టోబర్ 10కి తారక్ సినిమా పై క్లారిటీ వస్తే అదే పదివేలు అనుకుంటున్నారు అభిమానులు. ఈ ప్యాన్ ఇండియా మూవీకి అనిరుథ్ సంగీతాన్ని అందించబోతున్నాడు.