పుష్ప రాజ్ ఫ్యాన్స్ కు మరో షాక్
By KTV Telugu On 10 October, 2022
ఆ యాక్టర్ కూడా నటించడం లేదట
సీక్వెల్లో కూడా ఇన్ని ట్విస్టులు ఉండవేమో?
అల్లు అర్జున్ కొత్త చిత్రం పుష్ప-2 కోసం టోటల్ ఇండియా ఈగర్ గా వెయిట్ చేస్తోంది.
తొలి భాగం ఎలాంటి అంచనాలు లేకుండా వచ్చి సంచలన విజయం సాధించింది.
రెండో భాగం మాత్రం ఆకాశమే హద్దుగా ఎక్స్ పెక్టేషన్స్ ఉన్నాయి.
అయితే ఎక్స్ పెక్టేషన్స్ రీచ్ అయ్యే విధంగానే తమ సినిమా ఉంటుందని బన్ని, సుకుమార్ ఇప్పటికే ఫ్యాన్స్ కు, ఆడియెన్స్ కు మాట ఇచ్చి ఉన్నారు. అక్టోబర్ చివరి వారంలో పుష్ప-2 సెట్స్ పైకి వెళ్లనుంది. ఈలోపు ఈ సినిమా పై రావాల్సినన్ని రూమర్స్ వస్తూనే ఉన్నాయి. బాలీవుడ్ హీరో అర్జున్ కపూర్ సీక్వెల్ల్ లో కీరోల్ చేస్తున్నాడని టాక్ వినిపించిన సంగతి తెలిసిందే. అర్జున్ కపూర్ అంటే శ్రీదేవి భర్త బోనీ కపూర్ మొదటి భార్య సంతానం. జాన్వి కపూర్ కు అన్న అవుతాడు. మున్నీ బద్నామ్ హుయి పాటకు స్టెప్పులేసిన మలైకాతో పీకల్లోతు ప్రేమలో ఉన్నాడు. త్వరలోనే వీరిద్దరు పెళ్లి పీటలెక్కనున్నారు. ఇదీ క్లుప్తంగా అర్జున్ రెడ్డి బయోడేటా. ఈ రేంజ్ యాక్టర్ తనకు సంబంధం లేని పుష్ప వరల్డ్ లోకి ఎంట్రీ ఇస్తాడని గత కొద్ది రోజులుగా ప్రచారం సాగుతున్న సంగతి తెలిసిందే. అయితే ఈ వార్తల్లో ఎలాంటి నిజం లేదని నిర్మాతలు క్లారిటీ ఇచ్చారు. గతంలో ఫ్యామిలీ మేన్ వెబ్ సిరీస్ మనోజ్ బాజ్ పేయి పేరు, అలాగే ప్రియమని పేరు, సాయి పల్లవి పేరు వినిపించింది. కాని వీరెవరూ తమ చిత్రంలో నటించడం లేదని యూనిట్ స్పష్టం చేసింది. ఇప్పుడు అర్జున్ కపూర్ రోల్ పై అలాంటి క్లారిటీనే వచ్చింది.