తెలుగులోకి వస్తోన్న కాంతారా?
By KTV Telugu On 10 October, 2022
టాలీవుడ్ పైనా ఇంపాక్ట్ చూపిస్తుందా?
మరోసారి శాండల్ వుడ్ సత్తా చాటిన సినిమా
ఒక దశలో కన్నడ సినిమాలకు మార్కెట్ తక్కువ. కాని ఇప్పుడు కన్నడ సినిమా అంటే చాలు ఎగబడిపోయి రైట్స్ కొనాల్సిన పరిస్థితి తీసుకొచ్చారు అక్కడి మేకర్స్. కేజీయఫ్ నుంచి మొదలైంది కొత్త ఆధ్యాయం కాంతారాతో పీక్స్ కు చేరింది. కేజీయఫ్ సీక్వెల్ 1200 కోట్లు కొల్లగొట్టి శాండల్ వుడ్ జెండా పవర్ చూపించింది. ఆ తర్వాత నుంచి కన్నడ ఫిల్మ్ ఇండస్ట్రీ మంచి దూకుడు చూపిస్తోంది 777 చార్లీ, విక్రాంత్ రోణా లాంటి చిత్రాలు శాండల్ వుడ్ దాటి దుమ్మురేపాయి. చాలా చిన్న చిత్రాలుగా తెరకెక్కి ప్యాన్ ఇండియా మార్కెట్ లో సత్తా చాటాయి. ఇప్పుడు దసరా కానుకగా కన్నడ నాట విడుదలైన కాంతారా కూడా సంచలన విజయం సాధించింది., 16 కోట్ల బడ్జెట్ తో తెరకెక్కిన ఈ సినిమా కన్నడ ఇండస్ట్రీలోనే 50 కోట్ల వసూళ్లను దాటేసింది. దేశం మొత్తం ఈ సినమా గురించే మాట్లాడేలా చేస్తోంది. కన్నడ హీరో రిషబ్ శెట్టి తానే నటించి దర్శకత్వం వహించిన థ్రిల్లర్ మూవీ ఇది. అక్టోబర్ 15న తెలుగు వర్షన్ ను గీతా ఆర్ట్ సంస్థ రిలీజ్ చేస్తోంది. అందుకు సంబంధించిన ట్రైలర్ కూడా విడుదల చేసారు. కేజీయఫ్ ప్రొడక్షన్ హౌస్ హోంబలే ఫిల్మ్స్ ఈ సినిమాను నిర్మించింది.
హిందీలోనూ విడుదలకు సన్నాహాలు జరుగుతున్నాయి. మొత్తంగా కన్నడ ఇండస్ట్రీ గొప్పగా వెలుగుతోంది. కాంతారా కూడా తెలుగు వారిని ఆకట్టుకుంటే మాత్రం రానున్న రోజుల్లో శాండల్ వుడ్ సినిమాలు ఇక్కడా అక్కడా ఒకే రోజు రిలీజైనా ఆశ్చర్యం లేదు.