భారతీయుడు -2 రిలీజ్ టైమ్ ఫిక్స్?
By KTV Telugu On 11 October, 2022
95 ఏళ్ల వృద్ధుడిగా కమల్?
పొన్నియిన్ సెల్వన్ సెంటిమెంట్ ను ఫాలో కానుందా?
విక్రమ్ బ్లాక్ బస్టర్ కావడంతో, కమల్ హాసన్ కొత్త సినిమా భారతీయుడు 2 పై భారీ అంచనాలు ఉన్నాయి. మెగా మేకర్ శంకర్ తెరకెక్కిస్తున్న సినిమా ఇది. కొంత గ్యాప్ తర్వాత ఇటీవలే తిరిగి షూటింగ్ ప్రారంభించుకుంది. దాంతో లోకనాయకుడి మూవీ రిలీజ్ ఎప్పుడూ అని ఫ్యాన్స్ ఆసక్తిగా ఎదురు చూస్తున్నారు. శంకర్ వీలైనంత త్వరగానే మూవీని పూర్తి చేసి పోస్ట్ ప్రొడక్షన్ వర్క్ కు సమయం ఇవ్వాలి అనుకుంటున్నారు. అందుకే సాధ్యమైనంత త్వరగా షూటింగ్ కంప్లీట్ చేయాలని పరుగులు పెడుతున్నాడు. ఒక వైపు రామ్ చరణ్ తో సినిమా చేస్తోనే మరో వైపు భారతీయుడు 2 కూడా షూటింగ్ షెడ్యూల్స్ ప్లాన్ చేస్తున్నాడు. ఈ చిత్రాన్ని వచ్చే ఏడాది దసరా లేదా దీపావళికి విడుదల చేయాలనుకుంటున్నాడ శంకర్. సగానికి పైగా షూటింగ్ కంప్లీట్ కావడంతో త్వరలోనే రిలీజ్ డేట్ లాక్ చేసేస్తానంటున్నాడట శంకర్. ఈ ఏడాది దసరా పండక్కి విడుదలై 400 కోట్లకు పైగా వసూళ్లను అందుకుంది పొన్నియిన్ సెల్వన్. అదే సెంటిమెంట్ ను రిపీట్ చేస్తూ వచ్చే ఏడాది దసరాకు భారతీయుడు 2 రిలీజ్ చేస్తే ఫుల్ కలెక్షన్స్ ఉంటాయని డిస్ట్రీబ్యూటర్స్ చెప్పుకొస్తున్నారట. అంతే కాదు ఈ సినిమాలో కమల్ క్యారెక్టర్ టెర్రిఫిక్ గా ఉండనుందని , 95 ఏళ్ల ఇండియన్ తాతా పాత్రలో కమల్ నటిస్తున్నాడని బాగా ప్రచారం సాగుతోంది.
రకుల్ ప్రీత్ సింగ్, సిద్ధార్ద్ ఇతర పాత్రలో కనిపించబోతున్నారు.