రోలెక్స్ రీఎంట్రీ?

ఈసారి దళపతికి చెక్?
20 ఏళ్ల తర్వాత అద్భుతం జరుగుతుందా?

తమిళ దర్శకుడు లోకేష్ కనగరాజ్ ఏం మాటలు చెబుతున్నాడో తెలియదు కాని,
అక్కడి స్టార్ హీరోలు ఆయన ఏం చెబితే అది చేస్తున్నారు. ఫస్ట్ పార్ట్ మొత్తం కమల్ హాసన్ కనిపించకుండా విక్రమ్ లో కథ నడిపించాడు. క్లైమాక్స్ లో సూర్యతో గెస్ట్ అప్పీయరెన్స్ ఇచ్చి దుమ్మురేపాడు. అందుకే విక్రమ్ ఎన్నో రికార్డులు తిరగరాసింది. ఈ సంగతి ఇలా ఉంటే విక్రమ్ తర్వాత లోకేష్ కనగరాజ్ డైరెక్ట్ చేస్తోన్న కొత్త సినిమా పై భారీ అంచనాలు ఉన్న సంగతి తెలిసిందే. గతంలో వీరిద్దరి కాంబినేషన్ లో మాస్టర్ వచ్చింది. బ్లాక్ బస్టర్ అయింది. ఇప్పుడు తెరకెక్కే సినిమా మాత్రం లోకేష్ మల్టీ యూనివర్స్ కాన్సెప్ట్ లో తెరకెక్కబోతోంది. విజయ్ ను ముంబై డాన్ గా చూపించబోతున్నాడు లోకేష్. వంశీ పైడిపల్లి తెరకెక్కిస్తున్న వారసుడు షూట్ పూర్తి కాగానే ఈ సినిమా పట్టాలెక్కుతుంది. ప్యాన్ ఇండియా మార్కెట్ ను టార్గెట్ గా చేసుకుని తెరకెక్కుతున్న సినిమా ఇది. అందుకే సంజయ్ దత్ ను విలన్ గా ఎంపిక చేసారు. త్రిష, సమంత, కీర్తి సురేష్ హీరోయిన్స్ పేర్లు లిస్ట్ లో ఉన్నాయి. వీరిలో ఒకర్ని విజయ్ కు జోడిగా ఎంపిక చేయనున్నారు. ఇక అసలు సంగతికి వస్తే ఈ సినిమాలో మరోసారి రోలెక్స్ కనిపించబోతున్నాడట. సూర్య, విజయ్ ఒకే ఫ్రేమ్ లో కనిపించడం అంటే చిన్న విషయం కాదు. కోలీవుడ్ బాక్సాఫీస్ బద్దలు కావడం ఖాయం. విక్రమ్ లో ఏ విధంగా అయితే రోలెక్స్ ఎంట్రీ ఉంటుందో, అలాగే విజయ్ మూవీలోనూ ఉంటుందట. 20 ఏళ్ల క్రితం విజయ్, సూర్య కలసి ఫ్రెండ్స్ అనే సినిమాలో నటించారు. మళ్లీ ఇన్నేళ్లకు వీరిద్దరు తెరను పంచుకుంటే అంతకంటే ఏం కావాలి మాకు అంటున్నారు మ్యూచువల్ ఫ్యాన్స్.