గాడ్ ఫాదర్ సీక్రెట్ ఇప్పుడు లీకైంది
By KTV Telugu On 19 October, 2022
మధ్యలో వచ్చిన హాలీవుడ్ నిర్మాతలు
గాడ్ ఫాదర్ టైటిల్ కాకుండా మరో టైటిల్ ఊహించగలమా?
మీడియాకు ఇచ్చిన ఇంటర్వ్యూస్ లో గాడ్ ఫాదర్ నిర్మాతలు ఆసక్తికర విషయం ఒకటి చెప్పుకొచ్చారు.
అదేంటి అంటే , ఈ సినిమాకు దర్శకుడు మోహన్ రాజా ముందుగా సర్వాంతర్యామి అనే టైటిల్ అనుకున్నాడట.
కాని ఆ టైటిల్ విని చిరు సినిమాకు ఇలాంటి సాఫ్ట్ టైటిల్ కాకుండా మాస్ ఉండాలని, గాడ్ ఫాదర్ అని పెడదాం అన్నాడట. ఆ టైటిల్ చిరుకు కూడా నచ్చింది. ఆ వెంటనే సినిమా టైటిల్ రైట్స్ ఉన్న సంపత్ నందిని అడిగి టైటిల్ రైట్స్ కొనుగోలు చేసారు. సినిమా షూటింగ్ అయింది. రిలీజ్ కు ముహూర్తం ఖరారు అయిన తర్వాత అసలు ట్విస్ట్ బయటపడింది. అదేంటి అంటే గాడ్ ఫాదర్ అనే టైటిల్ రైట్స్ ఇండియాలో పారామౌంట్ సంస్థ దగ్గర మాత్రమే ఉన్నాయి. హాలీవుడ్ ఆల్ టైమ్ క్లాసిక్ మూవీ గాడ్ ఫాదర్ నిర్మించింది కూడా పారామౌంట్ సంస్థే. అందుకే ఆ టైటిల్ రైట్స్ తమ దగ్గర ఉండటంతో తెలుగు గాడ్ ఫాదర్ గురించి తెలిసి నిర్మాతలకు నోటీసులు పంపారట. సినిమా రిలీజ్ కు ముందు వరకు గాడ్ ఫాదర్ టైటిల్ పై యూనిట్ కు పెద్దగా నమ్మకాలు లేవట. దాంతో మరికొన్ని టైటిల్స్ రిజిస్టర్ చేసారట. రిలీజ్ కు ముందు మాత్రం, యూనిట్ అందరితో సంతకాలు చేయించుకుని గాడ్ ఫాదర్ టైటిల్ ఇవ్వడానికి పారామౌంట్ ఒప్పుకుందట. ఈ దశలో జరిగిన జాప్యమే సినిమా ప్రమోషన్ కు ఆలస్యం కావడానికి రీజన్ అంటూ చెప్పుకొచ్చారు నిర్మాత ఎన్.వి. ప్రసాద్. మొత్తంగా తమన్ పెట్టిన పేరు వెనుక సినిమా అంతా పెద్ద కథే ఉంది.