కాంగ్రెస్‌కు ఓటేసినందుకు రూ.10 వేల కోట్లు జరిమానా !-CM Revanth Reddy-KCR-Congress-BRS
By KTV Telugu On 28 February, 2024
KTV TELUGU :-
తెలంగాణ కాంగ్రెస్‌కు ప్రజలు పట్టం కట్టారు. మూడు నెలలు ముగియక ముందే రిటర్న్ గిఫ్ట్ రెడీ చేసింది సర్కార్. అదేమిటంటే పదివేల కోట్ల జరిమానా. వినడానికి ఆశ్చర్యంగా ఉన్నా ఇది నిజం. ప్రజల నుంచి పది వేల కోట్లు వసూలు చేయడానికి రంగం సిద్ధం చేశారు. ఇందులో అసలు విషయం ఏమిటంటే..ఈ మొత్తం వసూలు చేయడానికి గ్రౌండ్ రెడీ చేసి పోయింది కేసీఆర్ ప్రభుత్వమే.
పథకాలు అమలు చేయడానికి నిధులను ప్రజల నుంచే వసూలు చేయడానికి కాంగ్రెస్ సర్కార్ కసరత్తు చేస్తోంది. ఎక్కడ అవకాశం ఉంటే అక్కడి నుంచి ఆదాయాన్ని సమకూర్చుకునేందుకు తీవ్రంగా ప్రయత్నిస్తోంది. తాజాగా లేఅవుట్‌ రెగ్యూలరైజేషన్‌ స్కీం అంటే ఎల్‌ఆర్‌ఎస్‌ ను తెరపైకి తెచ్చారు. 2020లో ఈ పథకానికి ధరఖాస్తు చేసుకున్న 25.44 లక్షల మంది మార్చి 31 వరకు ఫీజు చెల్లించేందుకు కటాఫ్‌ డేట్‌ విధించింది. ఫలితంగా రూ.10 వేల కోట్ల ఆదాయం వస్తుందని సర్కార్ భావిస్తోంది.
అనుమతి లేని లేఅవుట్ల క్రమబద్దీకరణకు బీఆర్ఎస్ ప్రభుత్వం ఎల్‌ఆర్‌ఎస్‌ పథకాన్ని తీసుకొచ్చింది. 2020లో ఇచ్చిన ఈ అవకాశాన్ని సద్వినియోగం చేసుకునేందుకు చిన్న, మద్యతరగతి ప్రజల నుంచి మొదలుకుని రియల్టర్ల వరకు పోటీ పడ్డారు. ఆగస్టు 31 నుంచి అక్టోబర్‌ 31 వరకు రెండు నెలల పాటు ఎల్‌ఆర్‌ఎస్‌ దరఖాస్తులను స్వీకరించారు. రాష్ట్రంలో అన్ని పంచాయతీలు, మున్సిపాలిటీలు, కార్పొరేషన్ల నుంచి దాదాపు 25.44 లక్షల మంది అప్లికేషన్లు సమర్పించారు. కార్పొరేషన్లలో 4.13 లక్షలు, మున్సిపాలిటీల్లో 10.54 లక్షలు, పంచాయతీల్లో 10.76 లక్షల దరఖాస్తులు వచ్చాయి. అయితే ఈ అంశంపై పలువురు న్యాయస్థానాన్ని అశ్రయించడంతో పథకానికి బ్రేకులు పడ్డాయి. ఎల్‌ఆర్‌ఎస్‌ కోసం లక్షల సంఖ్యలో ప్రజలు దరఖాస్తు చేసుకున్నారనీ, కోర్టు తుది ఉత్తర్వులొచ్చేవరకు ఎలాంటి నిర్ణయం తీసుకోమనీ, అయితే వాటిని పరిశీలించి అర్హతగల వారిని ఎంపికే చేసేందుకు అనుమతినివ్వాలని అప్పటి ప్రభుత్వంకోరింది. ఈ మేరకు కోర్టు నుంచి అనుమతి తీసున్నందున క్షేత్ర స్థాయిలో పరిశీలన చేశారు.
మొదటి దశలో దరఖాస్తుల పరిశీలన, రెండవ దశలో స్థలాల క్రమబద్ధీకరణ అర్హత గుర్తించి సిఫారసు చేయడం, మూడో దశలో సంబంధిత అధికారి నిబంధనల మేరకు ఫీజు చెల్లించాలని నోటీసులు జారీ చేశారు. అయితే ఈ ప్రక్రియ పూర్తయినప్పటికి మూడున్నరేండ్లుగా ఎలాంటి పురోగతి కన్పించలేదు. తాజాగా అధికారం చేపట్టిన కాంగ్రెస్ ఎల్‌ఆర్‌ఎస్‌ పథకాన్ని తిరిగి పట్టాలెక్కించేందుకు నిర్ణయం తీసుకుంది. దరఖాస్తుదారులు మార్చి 31లోగా లే-అవుట్లను క్రమబద్ధీకరించుకనేందుకు అవకాశం కల్పించింది. దేవాదాయ, వక్ఫ్‌, ప్రభుత్వ భూములు, కోర్టు ఆదేశాలు ఉన్న భూములను తప్ప ఇతర లే-అవుట్‌ లను క్రమబద్ధీకరించనున్నట్టు సర్కార్ ఈ సందర్భంగా తెలిపింది. ఎల్‌ఆర్‌ఎస్‌ క్రమబద్ధీకరణలో నాలా కన్వర్షన్‌ (వ్యవసాయ భూమిని వ్యవసాయేతర భూమిగా మార్చేందుకు) నిర్ణయించిన ఫీజును అదనంగా చెల్లించాలి. ఆమోదం పొందని లే అవుట్లలో 10 శాతం ఖాళీ స్థలం అందుబాటులో లేక పోతే ప్లాట్‌ విలువలో 14 శాతం ప్రో రేటా ఓపెన్‌ స్పేస్‌ చార్జీలు చెల్లించాల్సి ఉంటుంది.
గ్రామ పంచాయితి నుంచి మొదలుకుని కార్పొరేషన్ల వరకు వేలాది అక్రమ లేఅవుట్‌ వెంచర్లు ఉన్నాయి. ప్రస్తుతం ఉన్న 25.44 లక్షల ధరఖాస్తుల్లో సగం వారివే అని తెలుస్తోంది. నిబంధనలు అతిక్రమించిన వారి ధరఖాస్తులకు సైతం గత సర్కార్ ఎల్‌ఆర్‌ఎస్‌కు అనుమతించినట్టు అప్పట్లో విమర్శలు వెల్లువెత్తాయి. రోడ్డు వెడల్పు, కనీసం 9 మీటర్లుండాలి, బలహీన వర్గాలకు చెందిన లే అవుట్లు లేదా 100 మీటర్ల ప్లాట్లకు తక్కువ ఉన్న వాటిలో రహదారి 6 మీటర్ల వరకు ఉండాలి. అవసరమైన భూమి లేకుంటే రెండు వైపులా సమానంగా వెడల్పు చేయడానికి అవసరమైన భూమి ఉండాలి. ఇలా అనేక నిబంధనలు ఉన్నప్పటికి అప్పటి సర్కార్ ఆదాయం కోసం అనుమతించింది. ఇప్పుడు రేవంత్ రెడ్డి సర్కార్ ఏం చేస్తుందో చూడాల్సి ఉంది.
మరిన్ని వార్తలకు ఎక్కడ క్లిక్ చేయండి
మరిన్ని వీడియోలకు ఎక్కడ క్లిక్ చేయండి…