గణేష్ ని రాకతో యాదాద్రికి భారీగా ఆదాయం
By KTV Telugu On 10 September, 2024
KTV TELUGU :-
తెలంగాణ తిరుపతిగా పేరొందిన యాదాద్రికి భక్తుల రద్దీ రోజు రోజుకూ పెరిగిపోతుంది. ఆలయ పునర్నిర్మాణం తర్వాత రోజూ వేల సంఖ్యలో భక్తులు యాదాద్రి లక్ష్మీ నరసింహ స్వామిని దర్శించుకుంటున్నారు. హైదరాబాద్ నగరానికి అతి చేరువలో ఉండటంతో సుదూర ప్రాంతాల నుంచి నగరానికి వచ్చేవారు యాదాద్రిని కూడా దర్శించుకున్నారు. ఇక సెలవు దినాల్లో అయితే భక్తులు పోటెత్తుతున్నారు.
తాజాగా.. యాదాద్రికి భక్తులు పోటెత్తారు. శనివారం వినాయక చవితి, వీకెండ్ కావటంతో వేల సంఖ్యలో భక్తులు స్వామివారిని దర్శించుకున్నారు. ప్రత్యేక పూజలు నిర్వహించి మెుక్కులు చెల్లించుకున్నారు.
యాదాద్రి ఆలయానికి భక్తులు పోటెత్తున్నారు. వినాయక చవితి, వీకెండ్ కావటంతో వేల సంఖ్యలో ఆలయాన్ని సందర్శించి మెుక్కులు చెల్లించుకుంటున్నారు. శనివారం ఒక్కరోజే ఆలయానికి రూ.11 లక్షలకు పైగా ఆదాయం వచ్చింది. ఆదాయం వివరాలను ఆలయ ఈవో వెల్లడించారు.
భక్తులకు ఎటువంటి అసౌకర్యం కలగకుండా ఆలయ అధికారులు ఏర్పాట్లు చేశారు. ఇక వేల సంఖ్యలో భక్తులు స్వామివారిని దర్శించుకోవటంతో యాదాద్రికి భారీగా ఆదాయం సమకూరింది. నిన్న ఒక్క రోజే రూ.11,64,144 లక్షల ఆదాయం వచ్చినట్లు ఆలయ ఈవో భాస్కర్ రావు వెల్లడించారు.
ఈవో తెలిపిన వివరాల ప్రకారం.. ప్రధాన బుకింగ్ రూ. 57,424 వేలు, దర్శనాల ద్వారా రూ. 33,900 , బ్రేక్ దర్శనాలు రూ. 44,100, ప్రసాద విక్రయాలు రూ.6,47,960, కల్యాణకట్ట రూ.42,000, యాదరుషి నిలయం రూ.33,728, సువర్ణ పుష్పార్చాన ద్వారా రూ.26,400, కార్ పార్కింగ్ రూ.1,50,000 ఇలా మెుత్తంగా రూ.11,64,144 ఆదాయం వచ్చినట్లు ఆలయ ఈవో తెలిపారు. నేడు ఆదివారం సెలవు దినం కావటంతో భక్తుల రద్దీ పెరుగుతుందని.. అందుకు అనుగుణంగా ఆదాయం వస్తుందని చెప్పారు.
విక్రయాలుహైదరాబాద్‌ నగరవాసులకు తిరుమల తిరుపతి దేవస్థానం (TTD) గుడ్‌న్యూస్ చెప్పింది. నగరంలో ప్రతి రోజూ శ్రీవారి లడ్డూ ప్రసాదం విక్రయాలు జరగనున్నాయి. ఇప్పటి వరకు నగరంలోని హిమాయత్‌ నగర్‌ లిబర్టీ, జూబ్లీహిల్స్‌లోని టీటీడీ దేవస్థానాల్లో శనివారం, ఆదివారాల్లో మాత్రమే లడ్డూను విక్రయించేవారు. ఇక నుంచి ఈ లడ్డూ ప్రసాదం ప్రతి రోజూ అందుబాటులో ఉండనుంది. రూ.50కి ఒక లడ్డూ చొప్పున భక్తులకు అందుబాటులో ఉండనుంది. రోజూ ఉదయం 9 గంటల నుంచి సాయంత్రం 5 గంటల వరకు ఆయా ఆలయాల్లో లడ్డూలు విక్రయించనున్నారు.
మరిన్ని వార్తలకు ఎక్కడ క్లిక్ చేయండి
మరిన్ని వీడియోలకు ఎక్కడ క్లిక్ చేయండి…