ఫిష్ వెంకట్‌కు అసలు ఏమైంది?
By KTV Telugu On 10 September, 2024
KTV TELUGU :-
తెలుగు సినిమా పరిశ్రమలో తనదైన డైలాగ్ డెలివరీతో తన మార్కు చూపించిన కమెడియన్ కమ్ విలన్ ఫిష్ వెంకట్. వందలాది సినిమాల్లో తన అద్భుతమైన కామెడీతో అలరించారు. గత కొద్ది కాలంగా తీవ్ర అనారోగ్యంతో బాధపడుతున్నాడు. సినిమా షూటింగులకు వెళ్లేందుకు శరీరం ఏ మాత్రం సహకరించకపోవడంతో ఇంటి దగ్గరే ఉంటున్నారీ కామెడి విలన్. దీనికి తోడు ఆర్థిక సమస్యలు కూడా చుట్టుముట్టడంతో సాయం కోసం దీనంగా వేడుకుంటున్నాడు. డయాబెటిక్, బీపీ సమస్యలు తలెత్తడం, కాలు పూర్తిగా ఇన్ఫెక్షన్ కు గురికావడంతో పాటు వెంకట్ రెండు కిడ్నీలూ ఫెయిల్ అయ్యాయి.
ఆది సినిమాతో తనకంటూ గుర్తింపు తెచ్చుకొన్న ఫిష్ వెంకట్ హైదరాబాద్‌లోని రాంనగర్ ప్రాంతంలో నివస్తున్నాడు. ఆయన కొద్ది నెలలుగా అనారోగ్యానికి గురయ్యాడు. కాళ్లకు గాయాలు కావడంతో తీవ్ర అస్వస్థతకు గురయ్యారు. ఓ దశలో రెండు కాళ్లు తీసేయాలని వైద్యులు సూచించారు. ఆయన పరిస్థితి ఆందోళనకరంగా మారడంతో గాంధీ హస్పిటల్‌లో చేర్పించాం అని కుటుంబ సభ్యులు తెలిపారు.
ఫిష్ వెంకట్ ఆరోగ్య పరిస్థితి గురించి ఆలస్యంగా వెలుగులోకి వచ్చింది. దాంతో ఇండస్ట్రీ వర్గాలు, ఆయన స్నేహితులు, సన్నిహితులు స్పందించి అండగా నిలుస్తున్నారు. ఇటీవల ఒక ప్రముఖ టీవీ ఛానెల్ అతని దీన స్థితిని వెలుగులోకి వచ్చింది. ఈ ఇంటర్వ్యూ వేదికగానే తన కుటుంబాన్ని ఆదుకోవాలని వేడుకున్నాడాయన. నటుడి పరిస్థితి చూసిన అభిమానులు, నెటిజన్లు ఎమోషనల్ అయ్యారు. సినీ ప్రముఖులు ఫిష్ వెంకట్ ఫ్యామిలీని ఆదుకోవాలని కోరుతున్నారు. ఈ నేపథ్యంలోప్రముఖ నిర్మాత చదలవాడ శ్రీనివాసరావు ఫిష్ వెంకట్ కు లక్ష రూపాయల ఆర్థిక సాయం అందించారు.
మెగాస్టార్ చిరంజీవితో పాటు ఆయన తనయుడు మెగా పవర్ స్టార్ రామ్ చరణ్ ఆఫీసుల నుంచి ఫిష్ వెంకట్ కు ఫోన్లు వెళ్లాయట. ఈ విషయాన్ని ఫిష్ వెంకటే వెల్లడించారు. ‘ మెగా ఫ్యామిలీ నాకు అండగా నిలిచింది. నా ఆరోగ్య పరిస్థితిని చూసి చిరంజీవి, రాంచరణ్ ఆఫీస్ నుంచి ఫోన్ చేశారు. వారు నా ఆరోగ్య పరిస్థితి గురించి తెలుసుకొని నాకు ధైర్యన్నిచ్చారు. అందుకు నేను వారికి ధన్యవాదాలు తెలియజేస్తున్నాను’ అని ఫిష్ వెంకట్ చెప్పుకొచ్చాడు. అలాగే ప్రముఖ నిర్మాత దిల్ రాజు కూడా ఫిష్ వెంకట్ కు ఫోన్ చేసి ఆరోగ్యంపై ఆరా తీశారట.
అయితే హాస్పిటల్ నుంచి తిరిగి వచ్చిన తర్వాత ఫిష్ వెంకట్ మీడియాతో మాట్లాడుతూ.. మెగా ఫ్యామిలీ నాకు అండగా నిలిచారు. చిరంజీవి, రాంచరణ్ ఆఫీస్ నుంచి ఫోన్ చేశారు. వారు నా ఆరోగ్య పరిస్థితి గురించి తెలుసుకొని అండగా నిలిచారు. అందుకు నేను వారికి ధన్యవాదాలు తెలియజేస్తున్నాను అని ఫిష్ వెంకట్ చెప్పారు. తనపై ప్రేమ కురిపిస్తున్న తీరు చూసి ఆయన ఆనందంలో మునిగిపోయారు. త్వరగా ఆయన సంపూర్ణ ఆరోగ్యంతో తిరిగి రావాలని కోరుకొంటున్నారు.
మరిన్ని వార్తలకు ఎక్కడ క్లిక్ చేయండి
మరిన్ని వీడియోలకు ఎక్కడ క్లిక్ చేయండి…