డిసెంబర్ లో వస్తున్న ధమాకా
By KTV Telugu On 25 October, 2022
మాస్ రాజా వెంటే కార్తికేయ
ఒకరిది లవ్ స్టోరీ మరొకరిది మాస్ స్టోరీ
సంక్రాంతికి సమరం గురించి మాత్రమే టాలీవుడ్ మాట్లాడుకుటోంది.
కాని అంతకుముందు అంటే క్రిస్మస్ కు టాలీవుడ్ బాక్సాఫీస్ దగ్గర చిన్న సైజ్ యుద్ధం జరగనుంది.
రవితేజకు పోటీగా యంగ్ హీరో నిఖిల్ బరిలోకి దిగుతున్నాడు. డిసెంబర్ 23న ధమాకా సినిమాతో వస్తున్నట్లు ఇప్పటికే ప్రకటించాడు రవితేజ. నక్కిన త్రినాథరావు దర్శకత్వంలో తెరకెక్కిన ఈ సినిమా టీజర్ ఇటీవలే విడుదలైంది. ఇప్పుడు ధమాకాకు పోటీగా నిఖిల్ కూడా రంగంలోకి దిగుతున్నాడు. కార్తికేయ 2తో ప్యాన్ ఇండియా బ్లాక్ బస్టర్ ఖాతాలో వేసుకున్న తర్వాత నిఖిల్ నుంచి వస్తున్న మూవీ అంటే మంచి అంచనాలు ఉంటాయి. ఆ సినిమా పేరే 18 పేజెస్. పైగా ఈ సినిమాలో హిట్ పెయిర్ మరోసారి రిపీట్ అవుతోంది. కార్తికేయ2లో నిఖిల్ తో జోడి కట్టిన అనుపమ మరోసారి 18 పేజెస్ లోనూ నటిస్తోంది. సుకుమార్ ఈ మూవీకి స్టోరీని అందించడం మాత్రమే కాకుండా నిర్మాణంలో భాగం పంచుకుంటున్నాడు. గీతా ఆర్ట్స్ బ్యానర్ లో అల్లు అరవింద్ నిర్మిస్తున్నాడు. పుష్ప డైరెక్టర్ గా సుకుమార్ కు ఉన్న ప్యాన్ ఇండియా క్రేజ్, కార్తికేయ2 జోడి కలసి నటిస్తున్న సినిమా కావడంతో 18 పేసెస్ ను కూడా ప్యాన్ ఇండియా మార్కెట్ లో రిలీజ్ చేసినా ఆశ్చర్యం లేదు.